Page 7 - AWEMAINTA

Diamars, 5 Juni 2018 AWEMainta 7

Alumnonan di Paulus ‘76/’77 ta duna bek na St. Paulus School

E COMICION di
Alumnonan di aña
escolar 1976-1977

di St. Paulus School
cu a organisa e
caminata di tres dia
na april ultimo, a
haci un donacion na

St. Paulus School na
San Nicolas. Ta trata
di ex alumnonan

entusiasma cu a uni
pa recorda e dushi
tempo cu nan a bay
‘Paulus School‘ den
añanan 70.

Despues di a cumpli
cu tur e gastonan

envolvi pa organisa
nan actividadnan
di e re-encuentro,
nan a resta un suma
considerabel. Nan a

dicidi di haci e suma
di Awg. 3.600,- como
donacion na e scol. E

entrega a tuma lugar
dialuna dia 4 di juni
ultimo den presencia
di cabesante
Randolph Arends,

un maestra y algun
alumno di St. Paulus
School. E cabesante

a expresa su gratitud
na e comicion di
ex alumnonan y
a garantisa cu lo
haci bon uzo di e

donacion. E comicion
di ex alumnonan pa
medio di esaki un

biaha mas ta expresa
nan palabranan di
gratitud na tur cu a
yuda di un of otro
forma y tambe na tur

esnan cu a participa
na e caminata,
contribuyendo asina

na un bon causa.