Page 22 - AWEMAINTA
P. 22
22 AWEMainta Diahuebs, 1 Maart 2018
Minister Danqui Oduber:
Dakota ta bay haya un facilidad
deportivo super moderno
DIARANSON den oranan di atardi Minister di De-
porte Danqui Oduber a anuncia su plan pa construi un
stadion state of the arte na Dakota, unda antes tabata
Aruba Little League Ballpark.
E tereno, unda campeonatonan internacional manera
Latinoamericano a yega di tuma luga, ta bandona pa
hopi aña caba y ta un dolor pa tur e deportistanan cu a
hunga aki riba. Pero na esaki lo bini un fin. E intencion
ta pa cuminsa cu construccion e aña’ki ainda si logra
keda cla cu e fondonan necesario.
Minister Oduber a manda un carta caba pa Lotto pa
Deporte pidiendo nan cooperacion pa pone e fondonan
necesario pa realisacion di e proyecto aki. Aunke cu e
no a haya contesta, el a combersa personalmente cu e
director durante un evento, kende a expresa cu Lotto ta
dispuesto pa duna nan cooperacion.
Awora ta bay cuminsa pa diseña e proyecto, den coop-
eracion cu stakeholdernan, mientras cu ta busca e finan-
ciamento. Ta spera cu por cuminsa cu e construccion e
aña’ki ainda pa e por wordo inaugura na inicio di 2019.
