Page 19 - AWEMAINTA

Diahuebs, 1 Maart 2018 AWEMainta 19

YMCA Aruba ta inicia nan proyecto “Kids & Youth in the kitchen!”

DEN September 2017 YMCA Aruba

a inicia un programa nobo dirigi na

mucha y hoben, esta “Kids & Youth
in the kitchen”. E programa akinan ta

encera diferente les di cushinamento

pa mucha y hoben di un edad di 7 pa
15 aña.

E proyecto di “Kids & Youth in the

Kitchen” ta forma parti di YMCA su

famoso Programa Educativo y Pro-
gresivo, miho conoci como e programa

di P.E.P. Pa solamente Afl. 50,00 pa
les, e mucha of hoben ta siña dife-

rente kooktechniek y ta siña cushina

diferente sorto di cuminda. E prijs ta
inclui e costonan pa ingrediente.

Pa e periodo venidero YMCA Aru-
ba ta ofrece 4 diferente les, esaki ta

encera lesnan di cuminda cayente i

sopi. E lesnan lo wordo duna ariba
diasabra 10, 17, 24 y 31 di Maart

2018. Durante e prome les lo siña
cushina cuminda di lama, e segundo

les ta siña traha diferente plato di

galiña. Durante e di tres les lo enfoca
ariba carni y e ultimo les lo enfoca

ariba cuminda vegetariano. E curso ta
tuma luga na YMCA Dakota di 9’or

di mainta pa 11’or di mainta. Tur

cursista ta ricibi un certificado na fi-
nal di e curso.

E periodo di inscripcion ta habri.
YMCA ta pidi tur interesado pa pasa

inscribi nan yiu mas pronto cu ta po-

sibel pa asina nan ta sigura di un luga
den e curso. Inscripcion por tuma

luga na YMCA Dakota, situa na Cal-
abasstraat 1. Interesadonan cu ta de-

sea mas informacion por tuma con-

tacto libremente cu e staff di YMCA
na e number di telefon 5823072.