Page 37 - DIARIO 19 SEPT 2015

DIASABRA 19 SEPTEMBER 2015 DIARIO PAGINA 39

Minister na apertura

di aña academico

Mi ta sostene
e metanan

ambisioso di
Universidad

di Aruba

ORANJESTAD (AAN): “Loke
nos a mira e ultimo añanan aki
ta cuadra perfectamente cu e
expectativanan cu nos tin pa cu
e Universidad di Aruba, y mi
ta sostene e metanan ambisio-
so cu nan a crea den nan plan
strategico.”, asina Minister
Michelle Hooyboer-Winklaar
a duna di conoce despues di a
habri e aña academico 2015-
2016 na Universidad di Aruba.

E evento a conta cu un
publico grandi presente, sos-
teniendo no solamente e
alumnonan pero tambe e do-
centenan, decanonan, rector
y e colegio di curatornan cu
ta maneha nos universidad.

“E forsa di un Universidad,
y loke nos tin cu stimula, ta pa
duna UA e espacio pa atende
cu diferente tipo di asuntonan,
hasta temanan controversial, cu
nos ta atendiendo cune como
pais por medio di investiga-
cionan cientifico cu por worde
haci door di studiantenan.

Esaki ta e rol di un univer-
sidad, pa formula pensamento
nan nobo, maneranan con pa
pensa riba cierto cosnan cu ta
sosode den nos sociedad”, di
acuerdo cu Minister Michelle
Hooyboer-Winklaar. E manda-
tario ta bishitando Universidad
cu hopi regularidad, den un es-
fuerso pa demostra e compro-
miso di Gobierno pa e studian-
tenan, pa e oportunidadnan cu
ta habriendo pa ofrece mas tipo
di estudio y pa sigura e nivel
halto di educacion cu ta conta
cu acreditacion rond mundo.

Na final e mandatario a
expresa cu “Gobierno di
Aruba ta dispuesto pa traha
hunto cu Universidad pa yega
nan metanan, por ehempel
nan meta pa acreditacion pa
tur facultadnan, y e desa-
royo di un "Green Faculty".

E titular di enseñansa ta sat-
isfecho si cu ya awor caba, cu
hopi frecuencia Universidad
ta produci investigacionnan
interesante cu ta yuda eleva e
discusion publico riba difer-
ente temanan di interes co-
mun. Asina e universidad mes
ta duna importancia na e rol
cu nan ta hunga den comuni-
dad, banda di prepara e studi-
antenan den forma academico
pa por asumi responsabilidad
despues di termina nan estu-
dio universitario cu exito.