Page 15 - Min.Social 13 April'15

Minister Paul Croes: Un Task Force Social ta bira un
necesidad

Sunday, 12 April 2015 20:38
Comparti

"Barionan problematico, famianan desfuncional, hobenan rebelde, mayornan cu mester e guia pa educa
nan jiunan, tur esakinan ta simptomanan social cu merece atencion urgente", asina Minister Paul Croes a
anuncia diabierna ultimo.
Despues di un encuentro cu e fundacion Tienda di Educacion, Minister Paul Croes ta mas convenci cu un
ehecucion y enfoke pa e problematica social mester ta uno integral. Barionan manera Pos Chiquito,
Mabon, Bushiri, De Vuyst y varios otro ta barionan cu ya caba ta riba e "scope social". For di
Departamento di Asuntonan Social ta mira e necesidad pa e servicionan social ta mas serca di e
ciudadanonan. Apoyo na mayornan, divorcio, guia pa hobenan, adiccion di ciudadanonan, violencia
domestico y abuso di menornan ta algun di e cuestionan social cu merece e atencion aki. Minister Paul
Croes di asuntonan Social & Labor ta mira e necesidad pa yega na un Task Force Social, un Team Social
pa trata e casonan di mas urgente, cual mester bisa ta hopi. "Nos maneho na e momentonan aki ta dirigi
riba guia di e famianan mas den necesidad y e necesidad aki ta uno social den varios sentido", Minister
Croes a mustra.
Minister lo reuni dentro di poco cu varios personahena den e area social, fundacionan, departamentonan
pa asina haña e opinion di e expertonan den e veld con pa atende cu e problematica social den un forma
mas efectivo. "Pa apoya departamento di asuntonan social den e tarea grandi aki, mi lo trata na yega na
mas cooperacion entre fundacionan y e departamento mes. Alabes mi lo ekipa e departamento cu mas
personal (specialisa) pa asina brinda mas ayudo den e sector social", esaki Minister Paul Croes a mustra.

http://www.24ora.com/politica-mainmenu-18/94000-minister-paul-croes-un-task-force-social-ta-bira-
un-necesidad

Minister Paul Croes: Comunidad apoyando proyecto Poder
di Hubentud

Sunday, 12 April 2015 20:47
Comparti