Page 63 - MIN,TTC FEB 2,2015

MinTTC

http://www.24ora.com/local-mainmenu-5/91336-trahadornan-di-caribbean-plam-village-den-protesta-
pa-incumplimento-di-gerencia

Trahadornan di Caribbean Plam Village den protesta pa incumplimento di
gerencia

Monday, 02 February 2015 11:12

Comparti

Dialuna mainta un grupo grandi di trahador di Caribbean Palm Village afilia na sindicato STA a sali pafo
durante ora di trabou den un forma di protesta. Ta un protesta di dos ora esaki tabata. E miembronan
trahando na e hotel ta wardando un aumento priminti.
Algo cu mester a cana den 2013 y 2014 pero no a tuma lugar. Pa colmo un director di board lo a haci
expresionnan menos bon den direccion di e empleadonan. Ta haci manera cu nan a haya e aumento caba
y e trahadornan mes no ta mira esaki. Diego de Cuba di STA mes tabata presente cu e trahadornan
durante e protesta aki. Aki el a mustra bon cla cu e trato aki e trahadornan no merece. E gerencia ta
hungando un wega sushi tambe unda a manda un carta pa mediador bisando cu STA no tin mayoria mas
den e hotel. E carta aki a cay tambe den box di STA y ta algo cu a cay den masha mal tera. E presidente a
mustra cu di 46 persona cu por ta miembro na Caribbean Palm Village nan tin sigur un total di 38 cu ta
afilia na STA. Pesey ta haya cu e carta aki no ta fit den un situacion asina y ta causa mas problema. E
aumento cu nan ta pendiente pe a wordo palabra y mester a subi gradualmente tur anja. Awor ta pa dos
anja sigur cu e aumento aki no a bin. Un anja el a subi 1.5% y asina mester a sigui subi pa yega na e total
palabra. Pa colmo ta negociando CAO tambe y algo asina sigur ta causa ma iritacion den un negociacion.
Awor e prome protesta ta di dos ora pero no ta descarta cu por spera mas problema pa e trato cu e
trahadornan a haya pa e trato aki. E expresion tambe di e director contra e trahadornan bisando cu nan ta
ganja lo no yuda masha na un solucion pa e problema aki.