Page 67 - MIN,TTC FEB 2,2015

Despues cu a muda dpartamento di cultura cu tabata patras di misa di Playa e edificio aki a bira cas di e adictonan cu
ta biba riba caya pa cual esaki sigur tin e pastoor y hendenan den e bario basta preocupa cu City Inspector y polis
mester a drenta accion pa busca solucion aki, segun Leo Gomes.
Den e ultimo dos pa tres yamada na monton, cu chollernan a invadi e edificio completo cu ta pariba di misa di Playa,
cu tabata of ta di obispado, unda Instituto di Cultura ta hinca den dje. E edificio aki tabata di Buitenlandse
Betrekkingen, pero nan a muda. E edificio ta bandona, mirando tur e bentananan ta kibra, e luga ta na werki,
chollernan den dje, sushedad na monton, segun Gomes. Ya pa dos siman caba ta bin ta haci limpi na e luga.
Loke ta haciendo den e ultimo dianan, danki na cooperacion di DOW y Serlimar, City Inspector ta bezig ta cerando
e luganan. A haci nan limpi, a ceranan den un modo cu e adictonan no por drenta den e edificionan aki. Gomes por
bisa con hopi ta dura, pasobra e adictonan ta kibra e porta of bentanan toch, of ta ranca e palonan cu ta wordo buta.
Si por ripara bon, ta full rond di misa di Playa, Rosa College, Frere Bonifacius, cu ta cay pariba di Universidad di
Aruba, ta luganan cu ta wordo confronta tur dia cu choller, segun Choller.
City Inspector ta bezig ta cerando e edificionan bandona aki, cu ayudo di otro departamento manera DIP, cu tambe
ta haciendo nan trabao ta controla, DOW, purbando mas posibel pa no laga e luganan bay perdi. Si coy Frere
Bonifacius, tin dos of tres klas cu chollernan a pega candela.
Recientemente a logra cu Serlimar pa pone baki grandi, pa asina trahadornan di DOW por duna City Inspector un
man cu e limpiesa pafo. E siman aki lo bay cuminsa pa haci limpi paden pa despues claba e portanan pa preveni cu e
adictonan por drenta den e luganan pa nan haci mas daño rond di area di scol.
E edificio di Rosa College lo bay wordo traha riba dje, segun Gomes. E edificio di Frere Bonifacius ta bezig hunto
cu SKOA, cu ta mantene e edificio, cera esaki completamente, Gomes a splica. Tin hopi trabao cu tin cu wordo haci,
chikito y grandi, segun Gomes.
Den e dianan aki di Carnaval, City Inspector a duna lezing na scol. Mientras tanto riba e rutanan a manda patruya,
asistiendo polis pa final di e parada hunto cu Serlimar. City Inspector lo sigui patruya durante e otro paradanan.
Falta dos siman ainda pa Carnaval caba y City Inspector ta keda atento pa cualkier problema cu tin riba sushedad,
sea durante e temporada aki y tur e otro dianan di aña.