Page 70 - MIN,TTC FEB 2,2015

http://masnoticia.com/no-ta-paga-nos-placa-nos-ta-bay-den-accion/

No ta paga nos placa, nos ta bay den accion

 Feb 2nd, 2015
 Local

Trahadornnan di Caribbean Palm Village a bay den accion ya cu pa basta tempo e compania no ta paganan e placa
cu nan tin cu haya segun nan CAO, pa cual aki nan representante di e sindicato STA, Diego de Cuba a splica cu e
board cu ta representa tur e doñonan di camber, a bay di acuerdo cu 2012, cu e trahadonan lo haya aumento na 2013
di 3% y na 2014 tambe a bay di acuerdo di 3% riba nan salario.
Locual cu a pasa, cu na comienzo di 2013, nan a haya un aumento di 1.5% so. E otro 1.5% a keda colga, mas e 3%
di aña 2014. Pa colmo, segun de Cuba, diahuebs siman pasa, Edward Hase, kende ta presidente di board, a dicidi
manda un carta na mediador, cuestionando e legalidad di sindicato STA, pa representacion di e empleadonan di
Caribbean Palm Village.
STA ta representa 38 di e 46 hendenan cu ta empleado cu ta cay bao di e contracto colectivo y ta bisa cu tin mayoria
absoluto y ta haya e cos aki un “sla bao di faha,” locual cu gerencia a pusha e presidente di e board pa haci, pa
manda un carta pa mediador pa puntra si legalmente STA ta representa.
Sabiendo cu ta negoshando un contracto colectivo, e mesun diahuebs ey tabata sinta cu gerencia di Caribbean Palm
Village. Segun de Cuba, e cosnan aki no ta wordo acepta mas. 2015 a bisa cu si bin cu un chicote tras di porta, STA
lo bay tey cu uno pa duna bek.
STA ta representa 36 compania, sin conta gobierno y a laga sa, cu cualkier compania cu tribi di trapa riba derecho di
su miembronan, STA lo bay all out pa nan. De Cuba ta sigui bisa cu lamentablemente departamento labor no ta
funciona manera debe ser pa leynan laboral y e cambionan cu a wordo implimenta na 2013 tambe no ta wordo
ehecuta debidamente, manera cu STA ta mira cu ta pasando, de Cuba a expresa cu awor aki ta deber di e sindicato
pa sali na defensa di su miembronan y tambe pa pone e gobierno, minister concerni na altura di loke ta pasando y pa
e tambe tuma medida.
A bin ripara cu e cos aki ta verwater y cada dia cu keda keto, e cos aki ta bira mas pio, segun de Cuba.
Lamentablemente awe mester a bay den un accion di protesta, cual a sosode despues di 26 aña cu e luga ta existi, ta
prome biaha den historia di e hotel, caminda cu e trahadornan a bisa ta basta y no ta soporta e situacion mas.