Page 72 - MIN,TTC FEB 2,2015

E cos nobo cu ta pasando cu Caribbean Palm Village ta, cu hopi hende no ta doño mas di nan camber. E doñonan a
dicidi di bende esaki y pa cual aki, e presion riba e trahadornan a bira mas pisa segun Diego de Cuba, presidente di
STA.
E doñonan anterior a bay bende e cambernan cu turista. Esaki ta parcialmente un hotel como tambe un timeshare.
Antes tabata tin e hendenan di housekeeping cu tabata haci check in y check out riba diasabra. Tin biaha e hendenan
ta keda dos siman, dependiendo cuanto siman tin cumpra.
Awor aki a bira tur dia. E trabao riba e personal di housekeeping a bira hopi mas pisa y gerencia no ta teniendo
cuenta cu e trabao a bira mas pisa riba nan. Esaki ta di lamenta segun de Cuba. Ta hende nan ta y ta yenanan cu
trabao. Ora trece esaki na conocemento di gerencia, practicamente nan no ta duna mucho oido riba dje.
Segun de Cuba, mester stop cu esaki y awe e trahadornan, despues di un reunion ayera nochi, unanimamente a dicidi
cu a tene un accion. A manda carta pa gerencia y manda un copia pa mediador, a manda copia di e carta pa e
presidente y vicepresidente di e board di e timeshare. De Cuba a comenta cu despues di esaki kier haya sa ken a
keda cu e 4.5% di e aumento cu tabata pertenece na e trahadornan.
Ta papiando di mas cu 150 pa 200 mil florin. STA kier sa kico a pasa cu e placa aki. No ta husto y mirando e
situacion actual cu tin na Aruba. Si mira AZV, AOV, cada un a subi cu 0.5%, Serlimar, Schoolgeld, no papia mes.
Esaki ta pisa riba cartera di tur hende, apesar cu algun ta gana un salario razonabel. Awo esunnan cu ta gana salario
minimo, esta un salario bao di 2500, con e hendenan aki ta bay sobrevivi e golpinan aki. Esaki ta di lamenta, segun
de Cuba.
Gerencianan asina aki, ora ta hunga wega sushi, nan mester tene cuenta cu tin sindicato cu ta vigilante pa loke ta e
situacion cu ta andando na hotel. E sindicato tambe ta haya feedback di parti di e trahadornan tambe. E hotel ta
genera hopi placa. De Cuba ta cuestiona dicon no ta gun e trahadornan loke nan tin derecho riba dje.
Prome cu e reunion a cuminsa, STA no tabata sa cu board a bay di acuerdo cu e aumento. Ta ora cu a yama e
trahadonan pa yamado y a haya yamada di e empleadonan, STA a puntra e trahadornan dicon a yamanan pa gañado.
Segun e trahadornan, board a pretende cu nan si a haya aumento pero e payslipnan ta bisa otro.
No por bira yama e empleadomam pa gañado y tras di lomba di STA ta bira manda un carta pa mediador di
gobierno, caminda cu ta cuestiona e legalidad di e sindicato cu representacion di e empleadonan di e hotel, de Cuba
a finalisa.

http://rexaruba.com/18-news/newsrex/6967-ronella-tjin-asjoe-croes-c-e-o-di-aruba-tourism-authority-
benta-pa-destinacion-aruba-ta-mas-halto-compara-cu-ana-pasa-durante-caribbean-travel-marketplace

RONELLA TJIN ASJOE-CROES, C.E.O. DI ARUBA TOURISM
AUTHORITY:
BENTA PA DESTINACION ARUBA TA MAS
HALTO COMPARA CU AÑA PASA
DURANTE CARIBBEAN
TRAVEL MARKETPLACE

Details
Created on Monday, 02 February 2015 03:16