Page 22 - MIN VOS

ORANJESTAD – For di aña 1955 Sr. Jubert Richardson cariñosamente
conoci como ‘Jubi’ den bario, ta miembro di S.V. Dakota; prome como
hungador y awo tambe como un pilar grandi den organisacion y

mantencion di e facilidadnan na centro di bario. Ta pesey mes tabata un
placer pa BoBario di tende cu directiva kier dedica e mini cancha di

futbol cu yerba artificial na su persona. E anuncio aki a tuma luga algun
dia atras den presencia di hungadornan, mayornan, directiva y

representantenan di Gabinete Mike Eman II.

Harvey Clement a duna un ehempel di con Richardson ta un aliado grandi pa
Centro di Bario Dakota. Durante ceremonia pa inicio di construccion di e mini
veld, el a bisa lo siguiente: “Jubi ta un di e personanan cu cualkier momento,

sea pasobra santo a caba of mester haci un trabou, bo ta haya Jubi 6’or di
mainta cu su pick up cu ta overheat cu mester hinca awa den dje y keda cu

hood habri; danja su pickup pa yuda Dakota. Di curazon hopi hopi danki. Pesey
mi ta kere cu ta un honor pa tin e veld aki na bo nomber.” Clement a indica cu

pronto lo haci anuncio di e di dos nomber cu lo ta riba e dedicatoria.