Page 23 - MIN VOS
P. 23
Pa Richardson esaki tabata un momento hopi special y emocional. “Mi ta masha
contento cu ni papia mi por papia,” el a bisa splicando cu semper el a carga
speransa cu e veld di yerba artificial lo yega, pero ta un sorpresa grandi cu e lo
carga su nomber. E ta consciente di con importante tipo di tereno asina ta pa e
generacion di futbolista cu ta bin. “Tempo cu nos tabata hoben y nos tabata bay
afo, nos tabatin un handicap cu e yerba ey y semper el a keda cu un handicap
te cu nos a bira grandi caba, pero pa e muchanan cu ta biniendo mi ta spera cu
den un par di aña nos por ta den campeonato mundial.”
E palabranan aki tambe a contagia nos Prome Minister Mike Eman cu e nostalgia
di pasado caminda el a recorda con tempo e tabata hunga futbol na un veld na
Klip cu yama Tanki, “Ken cu para keeper, ta Jubi Richardson e ta. Danki, ta un
honor pa awe nos por dedica e veld aki na Jubi,” Premier Eman a expresa.
