Page 10 - Djaweps 3 mei 2018.pdf

10 Djaweps 3 Mei 2018
Vehíkulo a keda sendé na kandela

Felis dia
Wèl wèl e shonnan ku kier a drecha nan pará a keda
lep pasobra hues a basha e asuntu di 75 mion for di mesa.
Mi tata dushi, imaginá bu den un drumi lanta kada un
di e hendenan òf organisashonnan ei haña 3 mion. Ais
masha dushi mes! E hendenan den e barionan mes lo
haña algu, òf sikiera nan lo ripará algu diferente?

Ketu bai diskushon
riba barkunan di fruta
venezolano. Minister Stefi
introdusí liggeld. Tur barku
venezolano ku ke mara den
Punda bende fruta i berdura
paga “liggeld” i esun ku
no paga no por para einan.
Despues ku faya tres bia no
por para nunka mas. Laga
Curaçao Port Authority
kontrolá i kobra e sèn. CPA ta buska un kontratista lokal
ku tin tarea pa tur siman limpia e lugá dos bia pa siman i
kontrolá pa e lugá keda nechi. Tur ku faya aktua severo.
Stòp di keda papia, bo no ta yega na nada!

Mi tata dushi, ora Bosina a tende i mira ku e divishon
den sindikalismo a krese i empeorá tabata e momentu
ku nos a disidí ku no ta bai niun selebrashon di Dia di
Trabou. Si ni pa e dia ei lidernan sindikal no por uni anto
shonnan nos ta pèrdí. Bosina tambe tin masha apresio pa
lidernan di antaño manera Bèbè Rojer, defuntu Semerel,
Koenze i otronan, pero esnan ku awor aki a yega edat
di penshun kasi dos bia kaba tambe mester realisá i
komprondé ku ta ora pa hala atras i duna guia na esnan
mas yòn ounke nan tin hopi kabei blanku kaba.
No ta den polítika so, pero awor tur hende mes por
komprobá ku sindikalismo ta meskos òf pió ku polítika.
Den sindikalismo tambe hendenan tin duele di dal un
paso atras i skohe pa guia esnan mas yòn.Ta ki ko’i loko
ei, dos misa na mesun ora i mesun dia pa selebrá Dia di
Trabou. E kos aki a demostrá falta di madures total i na
mes momentu e ta demostrá e lucha tenas pa keda ku
poder i keda konta. Sindikalismo no ta mihó ku polítika!
Ounke e dia a pasa, pero Bosina ke para ketu na e
tendensia ku tin pa las dia i asina krea mas dia liber.
Kòrsou ta un pais ku un nivel di produktividat ku no ta
di kanta makamba anto tòg nos komportashon ta duna
muestra di un pais riku. Kiko nos ke, Dia di Rei ta kai riba
un djabièrnè i Dia di Trabou ta kai e siguiente djamars.
Sea nos ta move e selebrashonnan pa asina nan por
kai banda di otro òf nos tin ku siña biba ku e situashon
manera e ta. Ta insólito ku kada bia ora tin liber ta kai
asina ku nèt sektor públiko, ke men gobièrnu ta e promé
un pa las un dia liber aserka.
Ata poko ten pasá a sera hinter un departamento
sumamente importante pasobra mester a bai entiero. Ta
ku kiko e dirigentenan ei ta pensa? Dikon no a regla pa
e personal bai entiero repartí den grupo di manera ku
trabou por sigui. Anto pa kolmo un di e departamentonan
di mas importante den gobièrnu. Ta kiko nos ta bezig
kuné riba e pais aki?
E shon a kanta Bingo. E shon ku a organisá festival di
ponton, dal tur hende Cuba i plama paña bai a frega tur
hende ku e asuntu di bankrut aki. E shon tin un empresa,
ke men ora ku korte deklará ku e empresa bankrut WILLEMSTAD.- Ayera durante di oranan di mardugá outoridatnan a keda dirigí pa
praktikamente a kita basta doló di kabes for di e shon su Zaantjessteeg den área di Otrobanda despues di a risibí informashon ku lo mester tin
kabes. E problema so ta ku tin hopi hende kabes loko aki un vehíkulo na kandela. Na yegada di e bomberonan a topa ku un vehíkulo ku ya tabata
afó. Den tur esei kon a para ku e parlamentario aya ku praktikamente kompletu na kandela. E momentu ei a kuminsá muha vehíkulonan den
mester a slùip sali e sede di Trago meisjes na Cubaweg? serkania pa asina evitá ku nan tambe lo por a keda sendé na kandela ounke ku un otro
vehíkulo a risibí daño tambe. Despues a paga e kandela i loke ku a sobra di e vehíkulo.
Te mas ratu Tin tur indikashon ku e vehíkulo a keda sendá na kandela di un forma intenshonal
redactie@extra.cw pero investigashonnan lo mester bai determiná esaki.