Page 13 - Djaweps 3 mei 2018.pdf

Djaweps 3 Mei 2018 13

Vários kontròl di

tráfiko e dianan aki

Sòru pa bo plachi di number ta poné kaminda ku e ta destiná pa ta

WILLEMSTAD.- vários kontròl di tráfiko e E kontròlnan aki ta dirigí
Outoridatnan ta teniendo dianan aki atrobe. riba arma i droga pero tambe
esnan ku ta manehá vehíkulo
sin ku dokumentonan ta na
òrdu. Manera ta konosí,
outoridatnan a bira hopi
mas serio ku tenementu di
e kontròlnan aki i no tin
dunamentu di chèns na
esnan ku no ta kumpli.
Algun di e infrakshonnan
kometé ku ta hala hopi
atenshon ta kore sin faha di
seguridat, kore sin reibeweis,
kore ku glas pretu pegá i
tambe kore sin plachi number
na e kaminda ku e ta destiná
pa ta. E último aki a pone
ku kuater outomobilista a
haña but den Korte dia 2 di
mei 2018 durante un asina
yamá “verkeerszitting” pa no
tabatin e plachi di number di
outo poné riba e lugá indiká
den lei. E outomobilistanan
a indiká ku nan a kumpli ku
lei pasó e plachi di number
tabata visibel riba dash-
board di outo. Fiskal a sita
sinembargo for di Kòrsou su
“Wegenverkeersverordening”.
Esaki ta indiká bon kla
ku e plachi di number mester
ta instalá riba e parti dilanti
di e vehíkulo, i pues no den
e vehíkulo. Polis mester por
mira for di un distansia i
na tur momentu e plachi di
number. Tantu den dia komo
anochi. Plachi di number riba
dash-board i pa kolmo den un
ángulo no ta bon visibel i no
pegá konforme lei.
E kontròlnan aki sigur lo
kontinuá, pues sòru pa bo
kumpli ku lei pa evitá mal
kontentu.