Page 22 - Awemainta

22 AWEMainta Diaranson, 06 January 2016

Cozmic Stonez
a clausura
2015 cu
Cozmic Vibez

DIADOMINGO dia 27 di december, e banda local

Cozmic Stonez a pone tur hende na Moomba Beach
sinti e bon Cozmic Vibes cu nan ta trece cu nan musica
di rock-reggae unico. Grandi y chikito a gosa. Hasta
muchanan a baila durante e prome set cu a cuminsa pa
7’or di anochi. Ya p’e ultimo set, e vloer a yena cu tanto
turista como local bailando rib’e dushi ritmonan di
reggae-rock infusion cu Cozmic Stonez a trece Moomba.

P’e toca aki, Bryan Blaze a uni cu Cozmic Stonez, pa den
su estilo energetico y cu su stem unico, canta algun dushi
up-beat covers di reggae, deleitando publico mas ainda.
Asina Cozmic Stonez lo sigui ‘feature’ mas artistanan
den tocanan den futuro.