Page 25 - Awemainta

AWEMainta Diaranson, 06 January 2016 25

Un splicacion
di e fenomeno
natural, Serena

SERENA ta un proceso di condensacion cu ta tuma lugar na suela

y anochi, sin yobida. Aire cu ta contene suficiente humedad y cu
wordo fria dor di un proceso caminda no tin suficiente intercambio
di humedad cu e nivelnan mas halto di atmosfera ta baha di
temperatura. E proceso di aki ta wordo acelera si no tin suficiente
nubia den shelo pa wanta e salida di rayonan emiti pa suela terrestre.
E proceso di emiti rayo ta wordo yama radiacion. Ora un obheto cu
absorbe e radiacion aki manda e radiacion bek, e ta wordo yama
irradia.
Un splicacion di e proceso:
Solo ta calenta e superficie di tera y esaki ta absorbe parti di e
radiacion solar aki y irradia esaki bek den aire. Den region caminda
un area di presion halto ta domina normalmente no tin hopi nubia
pa wanta e irradiacion aki. Anochi e proceso aki ta soru p’e aire den
contacto cu e suela fria asina tanto cu e temperatura y dauwpunt,
cu ta e temperatura caminda bo ta haya condensacion ta topa otro.
Akinan e ora ey ta forma e gotanan di awa cu nos por observa como
serena y por wordo observa riba windshield di auto, bentana, blachi
di mata y hasta na cas di haraña.
Mas aleu nos por bisa cu den meteorologia dauwpunt ta un
parametro inportante pa weer. E dauwpunt ta tambe un parametro
importante p’e ser humano. Un dauwpunt hopi halto combina cu un
temperatura hopi halto ta trece “discomfort” cerca e ser humano.
T’asina cu ora temperatura ta halto un hende ta soda hopi. E
sodamento ta trece alivio ora cu esaki evapora for di bo curpa. Ora
dauwpunt ta halto esaki no ta tuma lugar n’e manera di custumber
y un hende ta cuminsa sinti sofoca.
P’e siguiente dianan condicion di tempo ta sigui ta faborabel pa
observa serena na Aruba.