Page 6 - JUS_Neat

AWEMainta Dialuna, 12 Oktober 2015 17

Shafien Mauricia ta morto,
el a ser tira mata den un bar na

Welgelegen Road na Cayhill

PHILIPSBURG, St. Maarten– Un otro persona hoben

a ser mira diabierne anochi, drumi den un cantidad
di sanger, cu ta di e victima, cu a keda identifica coo
Shafien Mauricia (28 aña), despues di un intercambio
di tiro.

E tiroteo violento aki a resulta fatal p’e yiu di Corsou,
Shafien Mauricio, naci 30 di juli 1987 (28 aña di edad),
cu a tuma lugar pa mas o menos 10 or diabierne anochi
na un bar & restaurant cu ta keda na Welgelegen Road
na Cayhill. Ta masha tiro a cay, di acuerdo cu un resi-
dente di e area, kende a bisa cu e mes a tende como 5
tiro tras di otro.
Autoridad a haya varios huls unda e asesinato aki a
tuma lugar, mientras cu tabatin musica duro tocando,
indicando cu n’e bar & restaurant tabatin bailamento.

Ora cu Polis a yega n’e scena di crimen, nan a haya un
bar completamente bashi y un persona drumi, cu su
cara den un plas di sanger.
E victima ta bisti cu un jeans y un shirt cora, cu ta pone
hende kere cu e ta un di e doñonan di e bar. No tin in-
dicacion cu causa di e asesinato aki tin di haci cu atraco
pa hort’e. Causa di e crimen aki, te ainda no ta conoci.
Testigonan n’e sitio di crimen ta bisa cu e victima ta un
yiu di Corsou y cu e tabata un sospechoso den e caso
di tiroteo fatal na Cole Bay dia 27 di october aña pasa.

Tur cos a cuminsa den e bar & restaurant, pero cu a
bay caba den e parking lot di Builders‘ Paradise, unda
a haya e victima sin bida.
Mauricio a bira e di 3 victima cu arma di candela den
solo un siman di tempo. Polis di St. Maarten tin e in-
vestigacion.