Page 33 - MIN.TTC MAY 11,2015

Ta sumamente alentador pa tuma nota di e plan di Gobierno pa transforma San Nicolas den un di
dos atraccion turistico grandi pa nos isla y ya caba por a mira con e maneho di gobierno ta
percurando pa varios proyecto dirigi riba e vision aki.

San Nicolas lo wordo transforma den un atraccion turistico grandi den añanan cu ta bin y sin
duda esaki lo duna e bario aki un cara economico y social, totalmente diferente.

ATA hunto cu otro partnernan den e sector turistico, ta parando garantia pa haya informacionnan
concreto y alentado di loke ta pasando den nos turismo y ta un pilar economico cu nos tur tin cu
sigui sostene y para pa esaki pa un futuro economico mas stabil di nos pais.

Gobierno a mustra na varios ocasion di ta trahando riba diversificacion di nos economia pero e
industria turistico di nos isla, no por ser converti den un wega negativo sin sentido di parti di
oposicion.

Mi kier a haci uzo di presencia di Minister di Turismo, sr Otmar Oduber y su conseheronan, pa
haci algun pregunta, riba cierto aspecto di turismo y caminda un di nan ta riba e proyecto di
Bushiri Beach Hotel, con a sigui cu plannan pa e edificio aki y si tabatin otro interesadonan pa
cumpra e hotel aki y construi un nobo na su luga. Of kico ta bay pasa cu e edificio actual cu tin
eynan.

Na mes momento mi tabata desea di haya informacion riba e proyecto di waf di Oranjestad cu
mester bira un waf crucero cu mudamento di waf pa Barcadera y e impacto di e desaroyo aki,
caminda ya por mira cantidad di trabou a cuminsa wordo haci na diferente sector di e waf
importante aki.

Tambe mi tabata desea di haya informacion for di Minister riba e proyecto di un hotel pa San
Nicolas con leu esaki ta na e momentonan aki y kico tur por spera den e plan di gobierno pa
transforma San Nicolas den un ciudad cultural cu lo por bira un atraccion turistico hopi
importante y grandi pa nos pais, principalmente pa e industria turistico,” tambe a toca e tema di
seguridad pa turistanan den trafico, ‘ child seats’ pa autonan di huur, turismo sostenibel door di
mobilidad den trabou di esnan cu ta traha den e industria y esnan cu ta traha den Timeshares. Ta
algun punto cu Parlamentario Jennifer Arends- Reyes a trece dilanti durante di e reunion publico.

http://www.diario.aw/2015/05/aruba-ta-un-di-e-poco-paisnan-na-mundo-cu-tin-un-dependencia-asina-
grandi-riba-turismo/