Page 44 - MIN.TTC MAY 11,2015

bay Hulanda y parti rapport cu nan a traha, bisa con malo cos ta na Aruba y cu nan mester ‘grijp in’ na
Aruba.
Nan a haci esaki en bes di bisa pa wak con hunto por sali for di e problemanan cu tin, pasobra manera
Minister Oduber a bisa, tin problemanan. “Si bo no por reconoce cu tin cosnan pa atende cune, cu tin
retonan pa atende cune, hamas y nunca bo lo por para pa loke ta e principionan di nos comunidad”.
Recientemente na Corsow un mocion a wordo pasa pa loke ta nos derecho, fraccion di MEP a vota contra,
siendo cu hasta Corsow y Sint Maarten a vota hunto cu Aruba, esaki ta un otro muestra cu fraccion di
MEP na ningun momento a para pa nos autonomia y tabata busca intervencion di Hulanda solamente pa
nan ansha di poder politico.
Fraccion di MEP a busca y yora pa bin cu un CFT Aruba, pero nan no a logre, pasobra e protocol cu
Aruba a firma ta diferente y e diferencianan aki a wordo hancra den e protocol. A firma un protocol cu
Hulanda pasobra Gobierno no tin problema pa nan bin wak con ta ehecuta e plancu Gabinete Mike Eman
II a establece pa mehora nos situacion financiero. Hulanda a bisa cu nan kier solidariteitsbelasting y otro
medidanan y Gobierno ta bisa cu ta mustra Hulanda cu no mester di esakinan, cu e ta wordo haci na nos
manera. A presenta un presupuesto na 2014 unda ta bisa cu esaki ta e caminda cu ta bay sigui pa yega e
presupuesto balanza na 2018 y ora cu yega na dje nos begroting kamer ta bay tuma over y percura pa
ehecuta e proceso pa yega na e 40%.
Minister Otmar Oduber ta bisa cu e plan ta uno dificil, duro pa ehecuta, pero Gobierno a bisa cu ta bay
pone schouder hunto pa logre pasobra no kier mira e peso aki cay riba pueblo di Aruba.
Tambe a pone den e protocol cu ta traha e Landsveordening na Aruba y Parlamentarionan di Aruba ta
pase, pasobra dia cu sinti cu no kier e mas, por dicidi di sali for di dje, ateniendo nos mes na e
consecuencianan, independiente di kico nan ta, pero escohencia ta den nos man, den man di Parlamento
di Aruba.
“E pais aki ta bendiciona y Dios ta pone man riba hende cu ta obra bon. Mi ta spera mañan boso tur baha
riba mi y bisami na unda tur boso a defende autonomia di Aruba, bisami unda ba para, pasobra e un
caminda cu bo por a para pa Hulanda ba chicken out y para un banda y laga AVP, tur partido di Sint
Maarten y tur partido di Corsow vota na fabor di nos autonomia”, Minister Otmar Oduber a bisa.
Finalizando el a indica cu e Gobierno aki ta uno cu ta carga su responsablidad y opinion di tur hende ta
wordo scucha unda ta traha como ekipo. Di e forma aki a yega na un protocol cu ta bisa cu ta den man di
Parlamento di Aruba y di gobernacion pa percura cu ningun hende no ta mete den nos autonomia. Esey
ta e realidad di e protocol riba mesa awe.

http://www.24ora.com/politica-mainmenu-18/94995-minister-otmar-oduber-den-parlamento-
autonomia-di-nos-isla-ta-den-nos-man

Minister Otmar Oduber: Turismo Venezolano ta sigui
contribui na desaroyo economico di nos isla

Sunday, 10 May 2015 18:52
Comparti

Minister Otmar Oduber tabata diahuebs y diabierna den Parlamento pa asina trata presupuesto di
Ministerio di Turismo, Transporte, Sector Primario y Cultura. Durante su disertacionnan Minister
Oduber a elabora ampliamente riba tur e preguntanan cu parlamentarionan a haci na su persona y a