Page 45 - MIN.TTC MAY 11,2015

trece un claridad total riba nos turismo.

Un di e partinan cu mandatario a toca pa loke ta turismo ta nos di dos mercado turistico di mas grandi,
esta Venezuela. Dunando un splicacion detaya riba e mercado aki, el a contesta Sr. Oduber,
Parlamentario di MEP cu a dicidi di ataca nos turismo di Venezuela, bisando practicamente cu nan ta
turista di segunda categoria y cu ta turista di supermercado cu no ta gasta na nos isla.
Minister Oduber riba esaki a bisa cu por ta el a hereda esaki for di ex lider di MEP cu no por a sincroniza
su lenga cu su boca. Nos tur por corda con e ex Prome Minister aki tabata bisa e latinonan pa bay for di e
pais aki y awor su yiu en bes di evita di sigui e caminda di su tata, ta bisa cu e turistanan cu ta bin for di
nos di dos mercado di mas grandi ta turistanan di supermercado y cu ta bin cana na pia, lubidando cu e
mes ta decendiente di Venezolano.
Minister Oduber a bisa enfaticamente cu pueblo ta inteligente suficiente y ta ripara cu ta purba hustifica
cosnan cu no ta berdad, pasobra loke e parlamentario aki ta trece pa loke ta turismo ta simplemente un
fantasia den su mente cu su propio lider y instancianan tanto internacional como nacional mes ta bisa cu
ta net lo contrario, esta cu nos turismo ta bayendo hopi bon. Pero en bes di acepta esaki, Sr. Oduber ta
bay over na segrega e comunidad aki,cierto colonianan cu no solamente ta biba akinan, pero cu ta
bishitanos tambe.
Minister Oduber a bisa cu tin 3 tipo di turista cu ta bishita nos isla for di e mercado ey. Tin e turista cu
semper tabata bin, cu ta keda na conominio, apartamento y hotel. E di dos ta esun di fenomeno di hub,
cual ta un mercado cu nos a inverti den dje pa por genera entradanan na nos aeropuerto. Mirando cu tin
varios aerolina na nivel mundial cu no ta bula mas pa Venezuela, nan ta usa Aruba como hub pa bay
Merca, Canada y Europa. E di tres tipo ta esun cu ta bin Aruba y ta purba raspa un carchi y con e por
haya Dollars.
Basa riba cifranan di 2014, Minister Oduber a bisa cu di 249,500 turista Venezolano cu a bin Aruba 32
mil a keda un anochi, cu ta 13% di e totalidad, mientras cu e crecemento tabata di 140%. Minister di
Turismo ta bisa cu CTO (Caribbean Tourism Organization) y WTO (World Tourism Organization) ta bisa
cu tur persona cu permanece por lo menos un anochi na bo pais ta wordo considera como turista ye 32
mil turista Venezolano aki ta un business cu nos no tabatin, ademas cu e no ta costa nos pais nada. Pesey
e mandatario no ta compronde e filosofia di fraccion di MEP cu e turista Venezolano ta esun malo. E 32
milnan aki ta keda un anochi, ta paga hotel, condominio of apartament, nan mester coi taxi, ta come, ta
paga airport tax. Cu otro palabra e 32 mil turista aki cu nos no tabatin, tambe ta contribui cu nos
economia. Tambe el a reconoce cu tin un grupo chikito cu ta bin pa purba beneficia di e proceso di saca
Dollars, pero esaki ta un grupo chikito debi na e limitacionnan na Venezuela y Aruba su imigracion cu tin
como condicion cu tin cu comproba ora drenta cu tin cierto cantidad di placa segun e cantidad di dianan
cu ta bay keda.

http://www.24ora.com/politica-mainmenu-18/94993-minister-otmar-oduber-turismo-venezolano-ta-

sigui-contribui-na-desaroyo-economico-di-nos-isla