Page 5 - min vos

IBiSA ta cla pa ricibi e delegacionnan di Boneiro y Corsou cu ta yega durante dia di diabierna. E
competencia ta riba nivel di schoolnan basico cu ta bay representa nan isla durante e “Weganan
Interinsular” e fin di siman aki na Aruba.

E concentracion di tur wega ta na Compleho Deportivo Frans Figaroa na Noord. Prome cu e weganan
diabierna atardi, ta tuma lugar un reunion tecnico cu tur delegado. E prome wega di futbol ta cuminsa pa
4’or p.m. entre e Team di Aruba 1 y Corsou. Pa 6:30 p.m. ta tuma lugar e apertura oficial di e “Weganan
Interinsular” 2015 cu desfile di e schoolnan representando nan isla acompaña pa nan delegado. Despues
di e respectivo himno ta hiba palabra representante di cada delegacion, pa despues e sake di e prome bala
di volleybal tuma lugar pa duna inicio oficial di e competencianan. Despues e delegacionnan ta retira pa e
prome wega di volleybal cuminsa entre Team Aruba 1 y Boneiro.

Riba diasabra dia 21 di maart 2015, e weganan di futbol y volleybal ta cuminsa for di 9:00 a.m. y ta
sigui te den oranan di atardi. IBiSA ta desea e teamnan di Aruba 1 y 2 hopi exito, alabes ta invita e
comunidad di Aruba pa bin apoya nos muchanan den Compleho Deportivo Frans Figaroa na Noord e fin
di siman aki.

Despues di e weganan diasabra atardi, di biaha ta tuma lugar entregamento di premio y trofeo na e
schoolnan ganador di prome, di dos y di tres lugar.

E siguiente competencia di “Weganan Interinsular” 2015 ta tuma lugar e fin di siman di 27-29 di maart
2015 na isla di Boneiro. Y e disciplina di deporte den cual tin competencia ta Futbol di Sala riba nivel di
schoolnan di Enseñansa Avansam , mientras cu pa Atletismo e nivel ta di schoolnan di Enseñansa
Basico.

Den Futbol di Sala, Aruba ta wordo representa pa e fuerte ekipo di Colegio Arubano Oranjestad cu
despues di titula campeon di Aruba ta bay defende e titulo di campeon cu aña pasa tabata di Aruba cu
Colegio San Antonio. Den Atletismo, Aruba tin un delegacion di hoben hopi bon prepara pa nan coach
Wiwi Piña y sigur lo sa di duna fuerte competencia.