Page 23 - MIN TTC DEC 14 2014

32 AWEMainta Diaranson, 17 December 2014

Radisson a
haci entrega
di donacion

Na Ibero American High School

IBERO American High School na San Nicolas tawata sumamente

agradecido pa ricibi no menos cu ocho unidad di aire condiciona
cortesia di Radisson Aruba Resort, Casino y Spa. Durante un
bishita na e scol, Director di Recurso Humano, Glenn Farro hunto
cu Manager di Recurso Humano, Angelique Croes tawata tin e
gran placer di primi e boton di e remote control pa asina activa
e airco nan inverter, y yama bon bini na temperatura nan regula
den e auditorio di e scol.
Cabesante di e scol, William (Andy) Cenetendo, a informa cu e
donacion siguramente lo promove educacion y haci e experencia
escolar di e mas di 200 alumno nan cu ta bishita e scol mas
agradabel y mas comfortabel. Dr. R. Jay Nelson, Director
Ehecutivo di e Asociacion di Maestro y Scolnan Cristian, tambe
a expresa su palabra nan di gratidud na e representante nan y
huesped nan di Radisson pa nan participacion den comunidad.
Adhunto por aprecia momento cu oficialmente a haci entrega di
e donacion, den presencia di gerencia y algun alumno di e scol.