Page 10 - MIN TTC JULY 16

2 AWEMainta Diahuebs, 16 Juli 2015

Insel Air Aruba un AYERA mainta InselAir Aruba a haci
partner valioso pa
nos industria turistico inauguracion di su di 13 ruta. Ta trata aki di
e ruta pa Santo Domingo.
Minister Otmar Oduber cu tin un relacion
estrecho cu InselAir tabata presente y a hiba
palabra na e acto oficial.
“E ta un plan di casi 4 aña, unda awe t’asina
leu cu InselAir Aruba tin un flota di 7 avion
unda cu pa otro aña lo extende cu 10, y tin mas
cu 150 empleado.
Un empresa stabil cu a conoce crecemento
rapido den e ultimo lunanan.
Awe nos ta yama pabien na InselAir Aruba cu
nan buelo inaugural pa Santo Domingo cu por
cierto ta completamente yen,” e mandatario
a comenta.

Otmar Oduber ta reitera cu ta trata aki di un
proceso unda hunto cu e partnernan manera
ta Aeropuerto di Aruba, Oficina di Turismo
di Aruba, Ministerio y tur e partnernan cu ta
sostene un di e aeroliñea cu ta di Aruba, un
aeroliñea cu nos por considera nacional, cu ta
habri un otro mercado awe.
Minister Oduber ta bisa: “E ta un mometo
special paso e ta parti di un plan integral cu na
momento cu Gabinete Mike Eman a sinta, nos
a sinta cu sr. Hackman na Hulanda y despues
di biaha a yama tur partido e.o. InselAir
Aruba, Aruba Airlines cu tabata prepara pa
lanta e tempo ey, y Tiara.
Nos a bisa cu como Gobierno nos lo duna e
sosten te caminda cu nos por pa segura cu
Aruba no ta bira solamente un hup, pero e
ta bira tambe e centro di distribucion den e
trafico aereo den Caribe, Centro America,
Latino America y Estados Unidos.”

E mandatario ta sigui bisando cu poco poco
ta logrando esaki unda InselAir Aruba ta
contribui, ta sigui contribui, pasobra rutanan
no ta caba aki.
“Ya caba tin peticion pa mas ruta. Siman pasa a
inaugura Puerto Rico prome cu esey Medellin
y Miami, mas e otro rutanan cu ya caba nan ta
encaminando. Esaki ta un muestra palpabel di
e confiansa cu tin den e industria turistico, e ta
un confiansa den transporte aereo.” Minister
Otmar Oduber a bisa.
E ta mustra tambe e compromiso cu partnernan
manera Aeropuerto di Aruba. Un Aeropuerto
cu a wordo renoba pa por maneha 3 miyon
usuario y awor ta atende cu 3.5 miyon caba
y cu tin intencionan serio pa sigui acomoda e
expansion manera InselAir Aruba ta haci n’e
momentonan aki.

E ta finalisa dunando “Pabien na InselAir
Aruba, esaki ta un muestra cu boso ta un
partner valioso pa e industria di turismo pa
nos isla.”