Page 4 - MIN TTC JULY 16
P. 4
Pagina 14 Diahuebs Juli 16 2015
Na Savaneta:
Tire parti patras di bus di Arubus ta rementa, causando cu
bus ta kima por completo
Diarazon atardi algo
prome cu 3’or alarma
grandi ta ser bati pa un
bus di e compania Arubus
cu ta na candela. Esaki
tabata net dilanti La
Granja na Savaneta.
Brandweer mesora
a sali cu maximo
urgencia, mirando e
tantisimo yamadanan
cu tabata drenta di un
bus completamente na
candela.
Candela a cuminsa na
banda di e chauffeur, parti
patras na e wiel. Aki e
tire a rementa y esaki pa
un of otro motivo a causa
cu e candela a cuminsa.
E candela a expande su
mes masha liher mes, cu
na yegada di Brandweer
ta solamente a keda nan
paga loke a resta di e
bus. Pasaheronan cu
tabata den e bus mesora
a bandona e bus y a bay
para leu.
Trafico a pega basta rato
mirando cu e caminda
ey ta un ader principal di
trafico entre Playa cu San
Nicolas. Cu sucedido aki e
compania Arubus ta short
di mas bus, mirando luna
pasa esun cu a accidenta
na cruzada di Alhambra y
e chauffeur a fayece ya cu
e tabata malo.
