Page 4 - Extra-31 yanuari 2018.pdf

4 Djarason 31 Yanüari 2018
Hopi pregunta
riba “kantonrecters
formule”
ABVO ta tene

seshon di
informashon
pa trahadónan

di Girobank
WILLEMSTAD.- E
sindikato ABVO a reuní
djaluna último ku
trahadónan di Girobank
riba último desaroyonan. E
trahadónan tabatin
nesesidat na informashon
despues di a tuma nota den
prensa di un komunikado
ekstenso ku e banko mes a
emití.
E trahadónan tabata na
haltura ku lo a sera dos
sukursal, Colon i Punda i
ubiká e trahadónan na e
dos otro filialnan di e banko,
pero no a komuniká na nan
vários otro informashon
ku a bin dilanti den e
komunikado. Tambe
informashon adishonal ku
alrededor di 100 persona lo
pèrdè trabou den e proseso
aki a lanta hopi pregunta
serka e trahadónan.
Durante di e reunion
di djaluna e trahadónan a
puntra e representantenan
sindikal tambe pa risibí
informashon di e asina yamá
“kantonrechtersformule”.
Esaki ta e fórmula ku
ta apliká pa kalkulá
kompensashon ku un
trahadó mester risibí den
kaso ku su doño di trabou
dun’e retiro obligatorio.
Banda di sera e dos
sukursalnan aki na Kòrsou
Girobank ta den proseso
tambe pa bende nan filial
na Boneiru. Informashon
ku EXTRA ta disponé di dje
ta indiká ku tin sigur dos
grupo interesá pa atkerí e
aktividatnan di Girobank
na Boneiru. Nòmber di
Vidanovabank i e grupo
Ansary a kai.
Manera ta konosí Ansary
a atkerí Banco di Caribe i
Ennia na Kòrsou. Tambe
e esfuersonan pa yega un
konsorsio di APNA i PSB
Bank pa pòmp e kapital
nesesario den e banko ta
kontinuá. Girobank mester
di un inyekshon di alrededor
di 260 mion pa sali for e
sifranan kòrá.
E posibel partisipashon
Guangdong Zhenrong
Energy huntu ku PSB a kai
na awa, pero ta keda na
akshonista di PSB pa disidí
No hasi ku otro loke bo no ke pa hasi ku bo ku tòg ta purba yega na
partisipashon den Girobank.