Page 21 - flip min.on
P. 21
Minister Michelle Winklaar evaluando paso huridico contra
SKOA
Thursday, 19 March 2015 18:12
Comparti
Minister Michelle Hooyboer-Winklaar ta studiando e posiblidadnan pa tuma pasonan legal relaciona cu e
decision di S.K.O.A, e fundacion cu ta maneha scolnan catolico riba nos isla. E mandatario a expresa cu
aunke e ta mira cu tin espacio pa aumenta schoolgeld despues di 14 aña, e ta rechasa un aumento
drastico di 233% di un dia pa otro.
"Mi a expresa cerca S.K.O.A cu un aumento asina no solamente no ta responsabel, pero e no a wordo
hustifica te ainda cu cifranan necesario pa medio di cuentanan anual", asina e mandatario encarga cu
maneho di enseñansa riba nos isla a enfatisa.
Minister Hooyboer-Winklaar a splica cu ora S.K.O.A a propone un aumento na november 2014, cu lo
wordo aplica entrante e aña escolar 2015/2016, el a reuni cu e instancia aki na varios ocasion y a pidi pa
nan considera un aumento gradual y evita pa bay di 75 florin pa 250 florin den un solo biaha. E Minister
a bin cu otro proposicion, hunto cu un aumento di e subsidio mes, pa asina yega na un solucion
rasonabel y cargabel.
Minister Hooyboer-Winklaar a comenta cu unda cu tin algo cu ta afecta pueblo en general, Gobierno y
den e caso aki sigur e como Minister encarga cu enseñansa ta busca semper espacio pa consenso y un
solucion cu ta faborabel pa tur envolvi.
“E parti cu Gobierno ta rekeri ta e cuentanan anual di SKOA. E jaarrekening den forma oficial cu mester
wordo entrega na Gobierno y esey tin un atraso den dje; 2011, 2012, 2013. Esey ta haci dificil pa nos duna
e “onderbouwing” cerca Minister di Financia, cerca Parlamento, pa bisa precies kico e situacion
financiero ta y cuanto mas SKOA lo mester”, asina Minister Michelle Hooyboer-Winklaar a remarca.
Dia 6 di Maart a duna S.K.O.A un siman pa entrega e relatonan anual y ainda e mandatario no a ricibi
nan manera stipula pa por sigui haya subsidio for di fondo publico, pero si a ricibi un carta indicando cu
S.K.O.A ta mantene nan decision di aumenta e schoolgeld te Afl. 250 pa studiante.
Mirando cu no ta entregando e relatonan anual manera stipula pa ley, no tin un bista oficial di e posicion
financiero y no tin transparencia riba gastonan real, e mandatario a dicidi di busca conseho huridico pa
sondea posibilidad di pasonan legal.
S.K.O.A a manda un carta pa Minister Michelle Hooyboer-Winklaar dia 2 di Maart 2015 na unda ta
wordo splica cu pesar cu si na momento di ricibi e subsidio toch lo keda un deficit di 350 mil florin di
acuerdo cu e “liquiditeitsprognose” di SKOA pa aña 2015.
SKOA
Thursday, 19 March 2015 18:12
Comparti
Minister Michelle Hooyboer-Winklaar ta studiando e posiblidadnan pa tuma pasonan legal relaciona cu e
decision di S.K.O.A, e fundacion cu ta maneha scolnan catolico riba nos isla. E mandatario a expresa cu
aunke e ta mira cu tin espacio pa aumenta schoolgeld despues di 14 aña, e ta rechasa un aumento
drastico di 233% di un dia pa otro.
"Mi a expresa cerca S.K.O.A cu un aumento asina no solamente no ta responsabel, pero e no a wordo
hustifica te ainda cu cifranan necesario pa medio di cuentanan anual", asina e mandatario encarga cu
maneho di enseñansa riba nos isla a enfatisa.
Minister Hooyboer-Winklaar a splica cu ora S.K.O.A a propone un aumento na november 2014, cu lo
wordo aplica entrante e aña escolar 2015/2016, el a reuni cu e instancia aki na varios ocasion y a pidi pa
nan considera un aumento gradual y evita pa bay di 75 florin pa 250 florin den un solo biaha. E Minister
a bin cu otro proposicion, hunto cu un aumento di e subsidio mes, pa asina yega na un solucion
rasonabel y cargabel.
Minister Hooyboer-Winklaar a comenta cu unda cu tin algo cu ta afecta pueblo en general, Gobierno y
den e caso aki sigur e como Minister encarga cu enseñansa ta busca semper espacio pa consenso y un
solucion cu ta faborabel pa tur envolvi.
“E parti cu Gobierno ta rekeri ta e cuentanan anual di SKOA. E jaarrekening den forma oficial cu mester
wordo entrega na Gobierno y esey tin un atraso den dje; 2011, 2012, 2013. Esey ta haci dificil pa nos duna
e “onderbouwing” cerca Minister di Financia, cerca Parlamento, pa bisa precies kico e situacion
financiero ta y cuanto mas SKOA lo mester”, asina Minister Michelle Hooyboer-Winklaar a remarca.
Dia 6 di Maart a duna S.K.O.A un siman pa entrega e relatonan anual y ainda e mandatario no a ricibi
nan manera stipula pa por sigui haya subsidio for di fondo publico, pero si a ricibi un carta indicando cu
S.K.O.A ta mantene nan decision di aumenta e schoolgeld te Afl. 250 pa studiante.
Mirando cu no ta entregando e relatonan anual manera stipula pa ley, no tin un bista oficial di e posicion
financiero y no tin transparencia riba gastonan real, e mandatario a dicidi di busca conseho huridico pa
sondea posibilidad di pasonan legal.
S.K.O.A a manda un carta pa Minister Michelle Hooyboer-Winklaar dia 2 di Maart 2015 na unda ta
wordo splica cu pesar cu si na momento di ricibi e subsidio toch lo keda un deficit di 350 mil florin di
acuerdo cu e “liquiditeitsprognose” di SKOA pa aña 2015.
