Page 25 - MIN TTC OCT 30, 2015

Mercado Venezolano ta percura pa 550 miyon Florin den economia di Aruba
Publication: Friday, 30 October 2015. Categoria: Politica
Parlamentario Marlon Sneek

ORANJESTAD (AAN)
Fraccion di AVP diaranson ultimo a reuni cu Minister Benny Sievinger relaciona cu henter e
asunto cu ta regarda permiso pa Venezolano pa haya mas informacion kico ta ser haci y con
henter e asunto aki ta worde atendi.
Miembro di fraccion di AVP, sr Marlon Sneek durante conferencia di prensa di fraccion di AVP
a mustra cu den tur argumento cu ta tumando luga no por perde for di bista e totalidad di henter e
asunto aki.
Sr Sneek a mustra cu no solamente mester mira e totalidad di e asunto aki, pero loke tambe ta
importante nos tin cu señala e participacion di nos propio hendenan den tur e desaroyo aki.
“Ta hopi importante pa ora cu nos no lubida cu ora nos ta papia di turista Venezolano, of
esunnan cu ta bishita nos for di Venezuela, nos ta papiando di un averahe di 20% di turistanan cu
Aruba ta ricibi y ora nos ta papia di un averahe di 20%, nos ta papiando tambe di un suma di
alrededor di 550 miyon Florin cu ta bin den Aruba su economia pa medio di e turistanan
Venezolano.
Cu awe tin algun persona ta bin Aruba cu no ta esunnan cu nos ta desea como turista, no ta duna
nos e derecho pa bay na discrimina tur hende y mi ta lamenta cu esaki ta bon tambe for di skina
di oposicion pa ban saca nan, ban core cu nan, lubibando por completo kico e totalidad ta nifica y
sin mira e participacion di nos mes como local den tur locual ta tumando luga.