Page 26 - MIN TTC OCT 30, 2015

Ora nos ta papia di turismo Venezolano, nos ta papiando di un total di 250 mil persona cu Aruba
ta surf pa aña y den nos combersacion cu Minister Sievinger, nos a haya cifra cu ta mustra cu e
aña aki ta solamente 11 permiso a ser otorga na Venezolano. Nos a haya tambe pa loke ta
esunnan cu a pidi un extension como turista, esaki ta 927 cu tabata pa bishita di famia, 38 di
turista cu a pidi un prolongacion y un peticion di un persona cu a pidi pa extension ya cu el a bin
Aruba pa haci negoshi.

Kiermen nos a papiando di un total 250 mil persona cu ta bon Aruba for di Venezuela nos ta
papiando di 1036 cu a pidi un extension of cualkier otro cos y cu tin den nan cu a keda ilegal,
cual no ta cu Venezolano so pero di diferente nacionalidad, y nos por a lesa den medionan di
comunicacion cu lo tin 2000 hende cu ta keda Aruba den forma ilegal, pero ningun caminda por
haya e cifra concreto di esaki.

Ta sumamente necesario pa ora cu ta bay menciona cifra, tin cifra concreto y oficial ya cu ta un
situacion delicado y nos ta sinta cu departamentonan y Minister pa haya informacion riba esaki.

Tambe por a tuma nota di informacion di 20 pa 30 hendenan cu lo ta drumi banda di lama, ban
bisa 100 persona mes cu ta drumi banda lama, pero esaki ta di e gran suma di 250 mil cu ta
bishita nos isla,” Parlamentario Marlon Sneek a mustra.

PARTICIPACION

Otro aspecto cu no por perde for di bista y ta un asunto cu tur hende tin cu puntra nan mes, ta e
participacion di nos propio hendenan cu ta cooperando pa cierto situacionnan cu tin cu e
hendenan aki.

“Un cos importante y manera e dicho ta bisa, it takes two to tango, e turista cu ta drenta e
diferente luganan pa cumpra por ehempel e cahanan di cerbes, si no tin un hende aki pa cumpra
esakinan for di dje, e lo no bay cumpra esakinan. Nos por a mira riba diferente medio social cu ta
saca potret di e luganan caminda nan ta kedando y tambe di autonan cu ta transporta e hendenan
aki den rol di taxi pirata.

Pues tin hende aki na Aruba cu ta ganando placa cu e hendenan aki y nos a mira diferente potret
di e autonan cu ta hiba e hendenan aki, y tin hende cu ta gana placa cu e hendenan aki.

Pero tur hende kier tira culpa riba Gobierno, kico ta worde haci pero kico nos como comunidad
ta haci ora cu e situacionnan aki presenta, ta e pregunta cu nos tin cu haci nos mes.

Pasobra si dado momento e hendenan aki yega y nan no haya un hende den nos comunidad pa
paga nan ricibinan, nan credit cardnan pa haya e cash of pa paga nan cuenta den supermercado
pa haya e placa back, nan lo stop di bin pasobra nan no por cambia e placa mas.

No ta Gobierno ta cumpra e cahanan di cerbes, no ta Gobierno ta laga nan hospeda den
apartamento, no ta Gobierno tin e taxi piratanan, dus ta importante pa comunidad realisa kico
nan ta haciendo cu nan pais, djis pa nan gana un mil of dos mil Florin extra.