Page 41 - AVP

Parlamentario Alan Howell Contento Cu E Resultado

Di Crimennan Soluciona Pa Cuerpo Policial

 Politica
- 26/01/2020

Diabierna den sala di Parlamento, Minister di Husticia a contesta e 12 preguntanan haci
door di parlamentario Alan Howell relaciona cu e preocupacion cu ta reina cerca su
persona y den pueblo pa loke ta atraconan cu ta tumando lugar riba nos isla.

E mandatario a contesta tur 12 pregunta y Alan Howell kier a gradici Minister Andin
Bikker pa duna atencion rapidamente na su yamado y contesta e preguntanan cu ta reina
den pueblo.

Pa loke ta e pregunta di cuanto atraco a tuma lugar riba Pais Aruba di november 2019 pa
januari 2020, a haya e respuesta cu durante henter 2019 tabatin 46 atraco y for di
november 2019 pa januari 2020 a constata un total di 15 atraco. Importante pa menciona
cu esaki ta un reduccion grandi compara cu e 116 atraco cu a tuma lugar na 2017, pero
debi na e aumento di atraco na final di 2019, e aña aki a subi compara cu e 34 cu a tuma
lugar na 2018.

Despues di a scucha e respuesta riba cuanto di e atraconan aki a wordo soluciona, Howell
a felicita Cuerpo Policial mirando cu e porcentahe di casonan resolvi ta sumamente halto
y ta riba 90%. Adicionalmente e mandatario a informa cu durante 2019 tabatin 79 aresto.