Page 44 - AVP

Parlamentario Marlon Sneek (AVP): No Por Permiti

Parlamentario Negocia Su Asiento Den Parlamento

 Featured
- 26/01/2020

Un desaroyo cu tin atencion di fraccion di AVP sin duda, ta publicacionan cu a sali y
informacion cu ta sigui drenta riba e desaroyonan rond di e posicion di miembro di
fraccion di MEP, sr. Luigi Bergen.
Lider di fraccion di AVP, Marlon Sneek a mustra cu ta trata sigur di un situacion hopi
serio ya cu simplemente no por acepta c’un Parlamentario ta negociando su asiento a
cambio di un puesto ehecutivo den un of otro empresa estatal.

“Nos tin informacion cu e meneer aki ta negociando su asiento, caminda pa entrega
partido su asiento den Parlamento, e lo ta pidiendo pa sea bira Director sea na Utilities of
Director na DTP, hasta n’e departamento nobo cu ta lantando relaciona cu legalisacion di
cannabis y pa nos esaki ta algo inaceptabel.
Fraccion di AVP sigur ta pidi Señor Gobernador, kende t’esun cu mester bay firma e
‘Landbesluit’ riba esaki, pa pone bon bista riba e asunto aki ya cu e ta castigabel pa bo
negocia cu asiento di Parlamento.

Abo como Parlamentario cu tin un asiento den Parlamento, no por negocia bo trabou di
futuro y no por negocia nada pa bo haya p’asina bo entrega bo asiento bek na partido.
Nos ta haci un apelacion na tur hende cu ta busca tur caminda manera sa pasa riba
facebook caminda hasta ta busca cosnan pa keha hende na Ministerio Publico, pa nan
pone bista riba e meneer aki ora cu e no ta Parlamentario mas, pa mira cua funcion el a
haya for di Gobierno y con e negociacionnan aki a tuma lugar.

E cos aki ta inaceptabel si e tuma lugar y nos lo tin cu bay atende cu esaki sigur ya cu
simplemente contra tur regla existente y sigur no por ta parti di un Gobierno cu tur ora ta