Page 17 - AWEMAINTA
P. 17
Diaranson, 15 Januari 2020 AWEMainta 17
Entrada hudicial a sigui cu
detencion den Korvetstraat
TEAM di Aresto ta keto bay activo hunto cu Atraco
Team y Recherche bishitando adresnan riba nos isla.
Asina a logra pa haci detencion di mas hende. Ya for
di dialuna mainta a haci un entrada hudicial.
Net prome cu mey anochi dialuna a drenta mas adres.
Ainda no ta conoci exactamente e motibo di e entrada
hudicial aki.
Por link esaki na dos caminda. Por link esaki n’e de-
tencion di e menor cu menaza Colegio Arubano. Tam-
be por link esaki cu atraconan cu a tuma lugar recien.
Den e mesun caya, Korvetstraat a comete atraco al-
gun siman atras y despues di comete atraco a bay cu
auto y trece bek den mesun area. E persona deteni pa
Team di Aresto no ta un desconoci di husticia. E ta
cay famia di e menor deteni den e caso di menaza pa
Colegio Arubano. Asina mes e sospecho ta keda cu e
persona deteni ta relaciona cu atraco.
E ta un persona cu autoridad ta considera “vuur-
wapengevaarlijk”. No ta conoci si a haya arma di can-
dela den e inval aki. Un investigacion basta grandi
e tuma lugar henter anochi dor di Cuerpo Tecnico.
Ta mustra cu a haya evidencia den e proceso di in-
vestigacion di e Team Investigativo despues cu Team
di Aresto a drenta detene e sospechoso busca pa cri-
mennan peligroso atrobe.
Fuera di detencion di e local M.T. n’e adres, a detene
tambe otronan cu parce no ta local. M.T. a yega di
cay cera den pasado pa arma di candela. El a sinta
casi dos aña di prison. Awor e tin 21 aña di edad y
despues di sinta castigo pa arma ta den man di hus-
ticia atrobe.
E cas cu nan a drenta ta keda den Korvetstraat. E
sospechoso M.T. su adres oficial ta Canoastraat. Ta
menciona tambe cu a drenta adres den Canoastraat
cu no ta mucho leu, pero esaki no por a keda confirma.
Huez Comisario y Fiscal tambe tabata presente ora e
entrada hudicial val a tuma lugar.
