Page 21 - AWEMAINTA

Diaranson, 15 Januari 2020
Durante bishita haci na Fundacion pa Hende Muher den Dificultad
Minister Raymond Knops a keda
impresiona p’e trabao haci
AWEMainta 21
MINISTER pa Asunto di Reino, drs.
Raymond Knops y su delegacion a haci
un bishita di orientacion na Fundacion
pa Hende Muher den Dificultad y a rici-
bi un recorido di e shelter y a haya un
splicacion amplio di e trabou y plannan
pa futuro.
Aki Ministro Presidente sra. Evelyn
Wever-Croes tabata presente pa ricibi e
Minister Hulandes personalmente dem-
ostrando asina e importancia y respon-
sabilidad social p’esnan den dificultad.
Fundacion pa Hende Muher den Difi-
cultad tin mas di 24 aña ta haciendo
trabounan grandi pa yuda hende muher
y hende homber den dificultad di violen-
cia domestico.
Danki na fondonan di Hulanda, pronto
por expande proyectonan pendiente cu
ta ensera 6 unit nobo den e prome fase.
Despues tin pensa di agrega 9 mas pa e
bira 15 en total. Durante e bishita aki
sra. Magaly Maduro, Coordinadora di e
fundacion, a elabora riba tur e trabou-
nan di FHMD y e proyectonan a corto
plazo y contesta drs. Knops su pregun-
tanan mas detaya encuanto di e statisti-
canan di e fundacion.
Drs. Knops a mustra hopi interes y a
expresa su admiracion p’e trabou cu e
Fundacion ta haciendo y a bisa cu e tin
pensa di bolbe e aña aki ainda na no-
vember pa mira con e proyecto ta bay ta
desaroya.
Sra. Suzy Kock, Presidente di e Direc-
tiva hunto cu otro miembronan di Di-
rectiva sra. Yvonne Spellen y sr. Jasper
Fidler tabata presente.