Page 44 - HOSPITAAL

Mirando cu esaki ta un caso di principio pa AZV tocante interpretacion di e ley di
AZV, lo apela e sentencia. Ta importante pa tin claridad tocante e interpretacion
di kico ta un tratamento usual den e grupo di profesion di specialista medico.

Corte a ordena Uitvoerings oOrgaan AZV pa paga gastonan medico di Baby

Lunah na Merca, tanto esun di e caterisatie di december ultimo, como e
siguiente tratamento cu ta sigui e proximo lunanan.

Cu e sentencia na fabor di Baby Lunah, esaki ta un otro triunfo mas pa e

mayornan di e criatura. Loke cu nan no a logra, ta pa AZV cubri gasto di e
ambulance flight pa Merca pa a atende e conferencia medico unda cu Lunah lo a
haya un inspeccion. Huez a rechasa tambe e demanda contra minister di Salud.

Y finalmente, hues a ordena AZV carga gastonan di e caso.

Desde un principio AZV a bringa e casonan di Lunah constantemente,
argumentando cu medicamente e no tin sentido pa trata un caso di un pashent

di cual su posibilidad di bida ta sumamente limita. A busca corespondencia y
opinion cerca varios medico na Hulanda, Merca y otro parti di mundo, cu

grandemente a sostene e pensamento di AZV. Sinembargo segun corte, AZV no
a motiva suficiente, e hecho cu no obstante e hecho cu baby Lunah ta un
‘survivor’ y ta un caso apart, pakico no por considera su tratamento como uno

corecto. Gran parti di e sentencia ta repasa e corespondencia entre AZV y e
mediconan na cual a pidi conseho, y e contesta di e mediconan cu mayornan di

Baby Lunah a acudi na dje.