Page 47 - HOSPITAAL
P. 47
Cientificonan a descubri metodo
pa logra reduci nivel di mortalidad
di cancer di pecho
7 May, 2018
0
QUEBEC, Canada- Cientificonan di e Universidad di Montreal a haya e metodo
pa desactiva e desaroyo di e metastasis den cancer di pecho HER2 positivo. Nan
ta spera cu e hayasgo aki por yuda na reduci e nivel di mortalidad di e malesa
aki.
E ekipo cientifico a descubri cu desactivacion di e proteina AXL por para e
multiplicacion di e metastasis den e tipo di malesanan aki. AXL ta responsabel
pa 20% di tur cancer di pecho.
Den cancer HER2 positivo, e celnan cu nivelnan halto di AXL ta mas inclina pa
kita for di un tumor y plama den e curpa. Esaki ta un proceso cu ta dificulta e
tratamento di e malesa. Hecho ta cu 90% di e mortonan di cancer di pecho ta
bin door di e metastasis.
Segun e specialistanan, e procedimento pa impedi e actividad di e proteina AXL
