Page 52 - KPA_Neat

Sra. Ivette Geerman a menciona cu e accion cu ta bay tuma lugar lo cuminza dialuna 25 di Mei awor y e ta en
conexion cu un proyecto conhuntamente cu DOW.
DOW a acerca DESPA debi cu nan tin un problema bastante grandi, pa motibo di e vetnan cu ta wordo uza den tur e
localidadnan cu ta bende cuminda.
Sra. Geerman a indica cu aworaki ta un exigencia pa tur esnan cu ta bende cuminza completo, cu tin vergunning A y
pa esnan B cu ta “fast food” tambe ta biniendo na vigor, y e “take awaynan” unda cu tur ta bay wordo envolvi den
ley.
Pa e proyecto aki Departamento di Salud a parti e areanan den control den cuater mescos cu KPA tine, y nan lo bay
cuminza cu tres y pa ultimo ta bay pa e di cuater.
Nan ta San Nicolas, Santa Cruz, Noord y Oranjestad. Lo cuminza den e zona di San Nicolas, Santa Cruz y Noord, y pa
ultimo Oranjestad cu ta esun di mas grandi.
E zonanan cu ta bay cuminza controla ta cubri tur e restaurantnan y e take awaynan. Esaki ta importante pa DOW y
tambe pa Departamento di Salud cu ta bay ahusta su data base pa nan tin e informacion updated.
Nan lo controla e aspecto di higiene, limpieza di e localidadnan y nan carchi di salud (carchi berde) pa wak si ta na
ordo, y ta bon pa tur hende cu ta traha den restaurantnan tin nan carchi berde valido visible, pasobra durante
control nan no ta acepta recibo.
Manera ta conoci tur persona cu ta traha den restaurant trahando cuminda mester tin su carchi di salud na ordo y
hunto cu nan, esnan cu no tine no ta cumpliendo cu ley, y e ta un punto di atencion di DESPA, pero e ta un
responsabilidad di cada ken pa cumpli cu ley.

http://www.diario.aw/2015/05/dialuna-awor-despa-dow-y-polis-ta-cuminza-cu-control-di-higiene-y-
carchi-berde/

Waverunnernan ta accidenta riba tera na Bubali

Publication: Thursday, 21 May 2015. Categoria: Policial

ORANJESTAD(AAN): Diamars den oranan di mainta polis a
worde pidi pa presenta na Bubali.
Esey debi cu a drenta informacion cu tin un accidente caminda waverunnernan a dal den palo di luz.
Polis a yega eynan y ta topa cu un trailer y dos waverunner medio kibra y benta for di nan trailer. Tur cos ta mustra
cue trailer a los for di e pickup cu tabata trek esaki.
El a bay pa su cuenta y dal den un palo di luz cu alto voltahe. No tabata tin hende herida y daño tabata mas riba e
wave runnernan.
Polis a tuma declaracion di e chauffeur di e pickup. A manda busca un otro vehiculo pa trek e aparatonan. Mester a
carga esaki pone back riba e e trailer. Asina por mira cu riba tera tambe un waverunner por accidenta.

http://www.diario.aw/2015/05/waverunnernan-ta-accidenta-riba-tera-na-bubali/