Page 55 - KPA_Neat
P. 55
Polis hopi cansa ta subi berm ranca cashi di coriente y termina riba rotonde
cu auto
Friday, 22 May 2015 10:21
Comparti
E dama polis I.J. a keda levemente herida pero mester ta contento cu cos a bai asina y cu awe e ta na
bida. Tabata diabierna marduga cu polis a wordo manda na Rotonde Las Americas pa un accidente
unda auto a subi e rotonde.
Na yegada di Polis a topa cu e auto Hyundai i10 para cu basta daño material. A pidi pa e
departamento di trafico presenta na e sitio. E dama levemente herida mester a haya yudanza di
esnan di ambulance. Polis di trafico a constata cu e auto tabata biniendo for di Vondellaan cu
velocidad hopi halto. Pa motibo di hopi cansancio kizas e chauffeur Polis a pasa straight riba e berm
prome cu e rotonde y djey sigui bai dal ranca un cashi di coriente pa finalmente termina riba e
rotonde. Aunke e chauffeur tabata mustra hopi cansa tog polis no a haya necesario pa lage supla. E
auto A-3539 a keda para riba e rotonde mainta ainda.
