Page 13 - Awe Mainta
P. 13
AWEMainta Diamars, 27 Oktober 2015 13
Presentacion
tesis Master
den idioma
na Arubiana/
Caribiana
DESPUES di presentacionnan interesante di
cuater graduado di Master den idioma diamars
siman pasa, diamars 27 di october ta turno pa cuater
otro graduado duna un presentacion di nan trabou
invesigativo pa nan tesis final.
Ta trata aki di: Sra. Swinda Arendsz-de Cuba, titulo
di tesis “Tur cos ta palabra”,
Sra. Maureen Molina-Luidens, titulo di tesis “Pen
inkt blanco bisti cu saya : Scritura femenino den
poemanan Arubiano na Papiamento”,
Sra. Zuleika Fernandes Perna-Silva, titulo di tesis
“Papiamento como idioma base den enseñansa
avansa : Translingualismo den klas” y
Sra. Endrah Richardson-Gumbs, titulo di tesis
“Content Based Instruction in Aruban MAVO
classrooms”.
E atardi aki ta un bon ocasion pa docentenan y tur
otro interesado den e materia di idioma y enseñansa
intercambia cu e graduadonan tocante e trabou cu
nan a haci pa nan tesis final.
E presentacionnan ta tuma luga na departamento
Arubiana/Caribiana na Bachstraat 5 na Oranjestad
(banda di Beatrixschool), di 5.30 pa 7.30 di atardi.
Un invitacion ta bay na un y tur pa participa n›e atardi
aki.