Page 3 - Awe Mainta

AWEMainta Diamars, 27 Oktober 2015 3

Pa prome biaha:

Aruba ta gana
titulo di Primera
Finalista na Reina
Hispanoamericana
2015 na Bolivia

STAR PROMOTIONS Foundation

ta orguyoso di comparti cu despues di
2 siman cu Srta. Digene Zimmerman
a sali pa representa Aruba na Bolivia
n’e certamen Reina Hispanoamericana
2015, diasabra anochi dia 24 di
October 2015, Digene a logra e titulo
di Primera Finalista pa Aruba.

Aruba a participa pa varios aña n›e
certamen aki, pero ta prome biaha cu
nos ta logra clasifica y yega asina serca
di e corona di e certamen cu a celebra
su 25 aniversario.

Digene Zimmerman ta nos Miss Aruba
2014 y e aña aki a representa Aruba n›e
certamen Miss Universo 2015 unda cu
el a acapara hopi atencion, pero no a
clasifica den e finalistanan. Obstante
esaki, Digene a usa e experiencia na su
bentaha y a acepta e reto pa representa
Aruba na Reina Hispanoamericana
2015 aunke cu despues di e certamen
na Doral, Miami el a dicidi di corta su
cabey completamente. E look aki mes
a yuda cu Digene tabata resalta tur
caminda entre e candidatanan.

Interesante pa menciona ta cu Corsou
tambe a clasifica como finalista den e
certamen cu a conta cu participacion di
26 pais, principalmente paisnan Latino
Americano.

NaAeropuertoDigeneawordoencontra
pa Prome finalista di Miss Aruba 2015
Thalia Croes, miembronan di Star
Promotions Foundation, prensa y
demas famia y amistadnan cu tabata
hopi contento pa duna Digene pabien
personalmente. Masha pabien Digene!