Page 36 - Awe Mainta

36 AWEMainta Diamars, 27 Oktober 2015

Bucuti & Tara Beach Resort nombra como

“Aruba’s leading resort 2015”

Experencia superior di vacacion na Aruba a destaca
durante ‘World Travel Award’

BUCUTI & Tara Beach Resort t’e orguyoso ganador di e

‘2015 World Travel Award’ como mihor hotel na Aruba.
Reconoci como un di e premionan di mas importancia den
biahe, e nombramento altamente reconoci ta confirma cu
Bucuti continuamente ta surpasa e barera pa cu excelencia
den servicio.
Proclama como “the Oscars of the Travel Industry,” e di 22
anual ‘Travel Awards’ a wordo eligi pa profesionalnan cu
ta labora den e industria di Biahe y Turismo – ehecutivo,
cumprador di biahe, operador turistico y agencianan di
biahe.
E premio aki ta reconoce e compromiso di excelencia cu
Bucuti a demostra durante e ultimo 12 lunanan.

“Ricibiendo e ‘2015 World Travel Award’ como ‘Aruba’s
Leading Resort’ ta confirma cu di berdad e dedicacion y
servicio di staff y personal di Bucuti & Tara, ta ofrece e
miho experencia di vacacion pa nos bishitantenan,” segun
Ewald Biemans, propetario di Bucuti & Tara Beach Resort y
ambientalista reconoci.
E ‘World Travel Award’ ta reconoce y celebra e logronan
den tur area di e industria di Biahe y Turismo rond mundo.
Mas di 5000 organisacion di biahe ta wordo nomina tur aña.
E campaña di votacion di e aña aki a yega un total di 183.000
profesional di biahe mundialmente den mas di 160 pais.

E criterianan multifacetico di evaluacion tabata inclui e
satisfaccion di cliente y calidad di servicio, e prestacion
general di e compania, inovacion di producto, relacion y
desaroyo di empleado, responsabilidad social y contribucion
na comunidad, compromiso na normanan sostenibel y
realisacion di e vision corporal den termino largo.