Page 27 - AWEMAINTA1AUG

AWEMainta Diasabra, 01 Augustus 2015 27

Aruba bon representa na Hulanda
den 4 daagse Nijmegen

DOUANERONAN Arubiano tabata presente un bez mas na Hulanda

pa promove nos dushi pais Aruba. Aruba presente n’e di 99 edicion di
4 daagse Nijmegen. Unda 46 mil hende a inscirbí y mas o menos 43890
hende a start dia 21 juli. E aña aki 3 Douanero y un pensionado Douanero
a participa n’e magno evenemeto aki. Esaki tabata di 19 biaha tras di otro
cu sr. Humphrey Richardson a participa n’e evenemento aki.

Humphrey Richardson t’e persona cu a cuminsa pa Aruba como Douanero
pa ta presente na Nijmegen y awe ainda e ta participa como pensionado.
Tambe hunto cu sr. Richardson a cana pa prome biaha sr. Oliver Peter
Wever y su experencia tabata uno inolvidabel.
Oliver Wever a bisa: «Si bo train bon scucha di esnan cu pa añas ta cana, lo
bo cana e 4 x 50 km cu menos dolor. Pasobra dolor bo ta haya sigur. E no
ta facil, bo mente mester ta fuerte pa sigi cana riba e dolornan cu bo tin».

Tambe Marlon Ruiz a cana pa di 11 biaha, hunto tambe pa di 9 biaha a cana
Giovanni «Gio» Davelaar. Asina tambe pa 4 dia largo nos Douaneronan y
promove nos pais. Bo por sintibo orguyoso ora bo ta cana den mas di 43 mil
hend y mas di 1miyoln hend ta wak bo ta cana via Gradiolen bin aden, anto
cu bo bandera grandi den bo man. Nos color di bandera ta unico den tur
e banderanan. Pabien na nos Douaneronan un bez mas. Manera Minister
Alfonso Boekhoudt a yama nan «Embahador di Aruba», promoviendo e
pais aki gratituamente cu orguyo.