Page 29 - AWEMAINTA1AUG

AWEMainta Diasabra, 01 Augustus 2015 29

E Weganan E HECHO cu durante di e Weganan Panamericano 2015,
Panamericano Toronto
2015 tabata uno nos delegacion di Aruba a logra resultadonan satisfactorio
exitoso p’e delegacion den mayoria di e deportenan cu nos atletanan a competi
di Aruba na dje, ta un muestra cu tin un adelanto y crecemento
enorme den e trabou desplega pa nos entrenador y nan
federacionnan deportivo sin lubida e ayudo di parti di COA
y su Comisionnan Tecnico, Medico y Desaroyo.
Un parti hopi importante t’e cuido medico di nos atletanan,
pa cu esaki e personal di CEMEDAR ta haciendo un
estupendo trabou.

Cu nos tin hopi trabou pa haci ainda, claro sigur cu si. Tanten
no tin medaya Panamericano y Olimpico nos tin cu traha
mas duro. Pero e direccion cu nos deportenan ta canando
t’esun corecto. E prestacion di nos atletanan den e Weganan
Panamericano na Toronto ta ehempel unda nos kier yega.
E hecho cu mayoria di nos atletanan a clasifica pa
Weganan Panamericano ta un muestra cu e nivel a hisa
considerablemente. Si nos compara esaki cu 4 aña pasa
n’e Weganan Panamericano 2011, e delegacion tabata uno
chikito cu 5 deporte solamente. E aña aki Aruba a bay cu 10
deporte y 25 atleta.

Mester corda cu e nivel di Weganan Panamericano ta super
halto specialmente esun di Toronto unda tur pais a manda
nan mihor atletanan cu excepcion di algun deporte.
Mirando cu otro aña e Weganan Olimpico lo wordo celebra
pa prome biaha den historia na Sur America, tur pais lo kier
pa nan atletanan briya na Rio de Janeiro, Brasil.
Y Toronto tabata un bon oportunidad pa mira con leu cada
atleta ta actualmente.

No obstante cu nos atletanan no a logra gana un medaya
den Weganan Panamericano na Toronto (cual no tabata e
aspiracion real di tanto COA y e deportenan presente)

nos prestacion tabata uno
sublime unda den 4 disciplina
di deporte nos a bataya pa un
medaya, pero na final a keda
cortico, tres di nan den forma

dramatico. Nunca antes den
un Weganan Panamericano
un atleta di Aruba tabata
asina serca pa gana un
medaya. Cu otro palabra nos
por anto riba un nivel mucho

mas halto cu normalmente
nos ta competi na dje.
Na banda di esaki varios
di nos atletanan a kibra
nan propio record of a
establece uno nacional. Pa

prome biaha den historia
di e deporte local, un
atleta ta logra p’e
Weganan Olimpico. E
atleta di vela, Philipine

van Aanholt a logra
esaki na Toronto, den
un prestacion nunca
bisto.