Page 41 - Min.ttc 20 March 2015
P. 41
Parlamentario Mervin Wyatt-Ras a habri conferencia di prensa expresando palabranan di felicitacion pa
nos pueblo respecto e gran celebracion di dia di Nos Himno y Nos Bandera. Na diferente parti di Aruba
pueblo en grande a celebra e dia aki cu boluntarionan a organisa.
Wyatt-Ras a expresa alavez palabra di elogio pa e muchanan, hobennan y miembronan voluntario di
organisacionnan cu a defila dilanti di Bestuurskantoor y pa tur esnan cu acudi pa presencia e aubade y
intercambio cultural. Wyatt-Ras ta menciona e discurso di minister Presidente tanto na Plaza 18 di maart
como dilanti Bestuurskantoor den cual e ta invita pueblo pa uni y cu no tin nada pa kibra nos baranca tan
stima. E Parlamentario ta trese padilanti cu nos a pasa den hopi cos y cu Aruba a demostra di ta un pais
cu por para ariba su pianan y cu lo sigui defende nos libertad.
E Parlamentario ta expresa elogio pa nos pueblo cu masalmente a hisa nan bandera e dia aki. No
solamente esnan cu a nace na Aruba sino tambe esnan cu no a nace aki ta di eleogia cu por a nota cu
banderin y cu t-shirti rindiendo homenahe na loke ta di Aruba.
Segun e Parlamentario apesar di e polemica cu a purba crea den comunidad rond di e bandera su color, si
e ta licht of donker blauw of ki color e ta, no ta relevante. Locual ta importante ta e sentimiento di amor y
union cu ta acompanja nos himno y nos bandera. Loke ta importante tambe ta cu nos hendenan no a laga
esaki stroba nan di hisa nan bandera na cas of core cu banderin of tambe bisti nan t-shirt.
Ta un hecho cu den Parlamento di Aruba, e organo di mas halto di nos pais, anja pasa a trata e ley pa por
actualisa e codificacion di e colornan di nos bandera. Manera minister Otmar Oduber a splica den prensa
e blauw unico y bunita di nos bandera tabata Larkspur of United Nations Blue, den e diccionario “British
Colour Council of Color Standard”. Pues den e buki aki e color tabata describi como United Nations Blue.
Gobierno di Aruba no a djies cambia e color sino a lanta un comision tempo di gobernacion di MEP y
aserca e “Flag Research Centre”na Estados Unidos pa wak segun ki sistema di codeer e colornan di e
bandera di Aruba por ser categorisa.
E ora a resulta cu e color blauw ta cuadra cu PMS 279, segun e sistema di codeer di e empresa
“Panthone”. Un empresa reconoci mundialemente. Pues no ta “uit zijn duim a zuig e color blauw” sino a
base di profesionalismo cu nos bandera merece. E grupo di trabou di gobierno a busca otro compania na
Belgica pa conseho y nan tambe a basa na mes ariba e sistema Panthone.
Pesey mes ora e ley a keda presenta na Parlamento y a haci preguntanan y minister Oduber a trese
diferente muestranan di bandera y di e color blauw. Nos pueblo por a sigui e reunion aki via di nos
website y Parlamento TV.
Awor ta bin haci wega cu e color no ta e color corecto pa bruha pueblo y nos hubentud atrobe encuanto di
nos bandera, djies pa capricho politico. Wyatt-Ras ta lamenta esaki profundamente. E politiconan cu ta
haci wega mester realisa cu pueblo ya caba na anja 1976 a vota pa nos bandera y a skohe un color. Ta e
color blauw cu nos pueblo a skohe e tempo ey nos tin ainda como color, sino den un otro sistema paso e
sistema bieuw di anja 70 no ta existi mas. Ki lo tabata mihor laga tur hende keda uza cual color cu nan ta
haya gana di uza y skucha tur merdia na radio con nos hendenan ta sundra? Wyatt-Ras ta kere cu e
forma cu a skohe di pasa e ley den Parlamento ta e forma corecto y ta spera cu esaki no stroba union y
amor cu nos hendenan mester tin pa nos bandera.
nos pueblo respecto e gran celebracion di dia di Nos Himno y Nos Bandera. Na diferente parti di Aruba
pueblo en grande a celebra e dia aki cu boluntarionan a organisa.
Wyatt-Ras a expresa alavez palabra di elogio pa e muchanan, hobennan y miembronan voluntario di
organisacionnan cu a defila dilanti di Bestuurskantoor y pa tur esnan cu acudi pa presencia e aubade y
intercambio cultural. Wyatt-Ras ta menciona e discurso di minister Presidente tanto na Plaza 18 di maart
como dilanti Bestuurskantoor den cual e ta invita pueblo pa uni y cu no tin nada pa kibra nos baranca tan
stima. E Parlamentario ta trese padilanti cu nos a pasa den hopi cos y cu Aruba a demostra di ta un pais
cu por para ariba su pianan y cu lo sigui defende nos libertad.
E Parlamentario ta expresa elogio pa nos pueblo cu masalmente a hisa nan bandera e dia aki. No
solamente esnan cu a nace na Aruba sino tambe esnan cu no a nace aki ta di eleogia cu por a nota cu
banderin y cu t-shirti rindiendo homenahe na loke ta di Aruba.
Segun e Parlamentario apesar di e polemica cu a purba crea den comunidad rond di e bandera su color, si
e ta licht of donker blauw of ki color e ta, no ta relevante. Locual ta importante ta e sentimiento di amor y
union cu ta acompanja nos himno y nos bandera. Loke ta importante tambe ta cu nos hendenan no a laga
esaki stroba nan di hisa nan bandera na cas of core cu banderin of tambe bisti nan t-shirt.
Ta un hecho cu den Parlamento di Aruba, e organo di mas halto di nos pais, anja pasa a trata e ley pa por
actualisa e codificacion di e colornan di nos bandera. Manera minister Otmar Oduber a splica den prensa
e blauw unico y bunita di nos bandera tabata Larkspur of United Nations Blue, den e diccionario “British
Colour Council of Color Standard”. Pues den e buki aki e color tabata describi como United Nations Blue.
Gobierno di Aruba no a djies cambia e color sino a lanta un comision tempo di gobernacion di MEP y
aserca e “Flag Research Centre”na Estados Unidos pa wak segun ki sistema di codeer e colornan di e
bandera di Aruba por ser categorisa.
E ora a resulta cu e color blauw ta cuadra cu PMS 279, segun e sistema di codeer di e empresa
“Panthone”. Un empresa reconoci mundialemente. Pues no ta “uit zijn duim a zuig e color blauw” sino a
base di profesionalismo cu nos bandera merece. E grupo di trabou di gobierno a busca otro compania na
Belgica pa conseho y nan tambe a basa na mes ariba e sistema Panthone.
Pesey mes ora e ley a keda presenta na Parlamento y a haci preguntanan y minister Oduber a trese
diferente muestranan di bandera y di e color blauw. Nos pueblo por a sigui e reunion aki via di nos
website y Parlamento TV.
Awor ta bin haci wega cu e color no ta e color corecto pa bruha pueblo y nos hubentud atrobe encuanto di
nos bandera, djies pa capricho politico. Wyatt-Ras ta lamenta esaki profundamente. E politiconan cu ta
haci wega mester realisa cu pueblo ya caba na anja 1976 a vota pa nos bandera y a skohe un color. Ta e
color blauw cu nos pueblo a skohe e tempo ey nos tin ainda como color, sino den un otro sistema paso e
sistema bieuw di anja 70 no ta existi mas. Ki lo tabata mihor laga tur hende keda uza cual color cu nan ta
haya gana di uza y skucha tur merdia na radio con nos hendenan ta sundra? Wyatt-Ras ta kere cu e
forma cu a skohe di pasa e ley den Parlamento ta e forma corecto y ta spera cu esaki no stroba union y
amor cu nos hendenan mester tin pa nos bandera.
