Page 22 - MIN JUS

AWEMainta Diamars,12 September 2017 5

Caso trata ayera merdia

Maske cu Headline

News Group a bisa di

tin hopi prueba, no

por a presenta ningun

AYERA merdia, a tuma lugar e caso sumario cu Ralph
Maduro di Alpha Printing a dicidi di entama contra
di Headline News Group, cu ta responsabel p’e porta
di noticia di 24Ora.com. Huez a duna di conoce cu
dia 20 awor, esta dos dia prome cu eleccion e lo duna
su veredicto.
Mester bisa, cu maske cu 24Ora.com a bin ta bisa di
tin suficiente documento pa sostene nan publicacion,
ayera no por a demostra ningun di esakinan, sigur no
pa mustra cu Otmar Oduber y Ralph Maduro ta socio
den e compania.

Abogado mr. Lalo Croes tumando nota cu su cliente
ta swak para, a dicidi di cambia su strategia ilustrando
cu e publicacionnan aki ta den cuadro di libertad di
prensa. Pero abogado Rossi Marchena a mustra cu no
por sconde tras di libertad di prensa, pa difama un per-
sona. E ora ey por papia caba di libertinahe. Abogado
di e portal a defende su mes, bisando cu su cliente a
bin cu insinuacionnan.

Por lo general, mirando desaroyo di e caso aki, y sigur
ora cu e portal di e noticia no por a bin cu ningun
prueba palpable, ta pone cu nan ta mal para. Mas ai-
nda, ora cu 24Ora.com a insinua, cu pareha di Ralph
Maduro, siendo miembro di Hunta Comisario di Aru-
bus, pa colmo pa un solo aña, den cual aña Arubus a
gasta menos placa na Alpha Printing, ta comproba cu
24Ora.com tabata produci noticia maligno.
Un Hunta Comisario tey pa controla y no ta envolvi
den maneho diario.

Huez a bisa cu dia 20 awor e lo duna su veredicto, esta
dos dia prome cu eleccion. Sigur e lo bira un veredicto
masha interesante y importante.