Page 24 - BNDIA ARUBA
P. 24
Diamars 7 November 2017 Servicio
A24
En conexion cu 30 Aniversario:
‘Open Dag Oficina di Propiedad Intelectual’
ORANJESTAD - En conexion cu e 30 aña existencia di Oficina di Propiedad Intelec-
tual, e dia lo wordo celebra cu un Open Dag pa publico.
Un invitacion caluroso ta keda extendi na pueblo di Aruba en general pa pasa na nos oficina,
p’asina haya informacion riba entre otro registracion di Marca y Logo, como tambe riba Patent
y Derechonan di Autor, pero tambe pa celebra hunto cu OPI e Aniversario di Perla.
En conexion cu e fecha aki OPI lo ta publicando den prensa algun relato, p’asina informa pu-
blico pakico ta consehabel pa registra un creacion, marca of composicion.
E Open Dag lo ta for di 9or di mainta te cu 4or di atardi na Oficina di Propiedad Intelectual cu
ta situa na Adriaan Lacle Boulevard 3 na Oranjestad.
Den cuadro di Festival di Buki pa Mucha
Paul van Loon cu talento local na Cas di Cultura
ORANJESTAD - Awe tardi ta tuma luga e Festival di Buki pa Mucha.
E escritor di buki, Paul van Loon tambe lo ta presente, hunto cu algun
talentonan local. Esaki segun un relato cu nos a haya.
Paul van Loon ta un escritor di buki pa mucha y su genero preferi ta
suspension. Den pasado Paul van Loon a participa na dos ocasion na e
Festival di Buki pa Mucha, na 1995 y 1998. Paul van Loon a skirbi ma-
sha hopi buki mes y ta bon conoci pa su serie Griezelbus. Su bukinan
a keda traduci den varios idioma.
Musiconan local cu ta acompaña Paul van Loon ta guitarista Jeanoir A. Kool-
man. Jeanoir tin 14 aña tocando guitara. Jeanoir tabata alumno di Derrick Lo-
pez, Edwin Kock, Ivan Jansen, Martin Buitenweg y Serghio Jansen. Su genero
preferi ta Jazz, y e tin su mesun banda cu yama Live Xpressions. Nan ta toca
rond di Aruba na diferente hotel/restaurant.
Alex Koolman ta e otro musico cu ta acompaña Paul van Loon awe atardi. Sr.
Koolman ta percusionista y e tambe a cuminsa practica musica di chikito. E ta
toca cu Robert Solo Banda show y ta yuda otro gruponan musical. Tambe e ta
toca den diferente festival di Himno y bandera.
Biblioteca Nacional Aruba ta invita mucha y adulto pa e presentacion special
aki di escritor di buki, Paul van Loon. E orario ta 6or y mei y e carchinan ta
obtenibel na biblioteca na Playa y San Nicolas y na MFA Noord y Paradera pa
solamente 5 florin.
