Page 20 - BNDIA ARUBA
P. 20
Diamars 7 November 2017 Deporte
A20
Romar Arendsz cu record
nobo den New York
Marathon
ORANJESTAD - Durante fin di siman tras di lomba
tabata tin e NY City Marathon. E marathon aki di
42.2km ta un di esunnan mas anticipa na mundo. Aki ta
unda e atleta tri-atleta Romar Arendsz a participa y a
registra un tempo di 3:09:19 cual ta un record personal
nobo. Esaki ta segun e relato publica pa 297Sports.
Cu e tempo cori Romar ta clasifica pa e Boston Marathon
cual ta un di esunnan mas grandi na mundo. Mester bisa
cu algun siman atras ainda Romar a kibra un otro record
den e Challenge Aruba 2017.
Sv Britannia Total Finance/ Gilberto Boerleider a gana medaya
Bright Bakery ta gana di oro y di brons durante WTSDA
Riverplate 2-1
ORANJESTAD - Recientemente a tuma luga e WTSDA European Championship
na Schiedam Hulanda.
Aki ta unda Kyo Sah Nim Gilberto Boerleider 2de Dan, a competi den categoria di
Black Belt 2de y 3de Dan y a logra 1 medaya di oro pa sparring (pelea) y 2 brons pa
Hyungs (forma) y Bong Hyung (forma cu arma).esaki ta segun e relato publica pa
297Sports
ORANJESTAD - Recientemente e Pumanan
esta Sv Britannia Total Finance/Bright
Bakery a topa cu e muchanan di Madiki esta
Riverplate. Esaki ta segun e relato cu nos a ricibi.
Den e prome 30 minuutnan di wega Sv Britannia Total
Finace/Bright Bakery a domina e wega completo y ta anota
2 gol trempan den wega. E prome gol a wordo anota pa Luis
“Coco” Estrada cu ta bay laga ariba banda robes y ta fusila e
keeper di Riverplate na di 7 minuut di wega pa e 1-0. Ta na di
27 minuut di wega ta e propio Luis Estrada cu ta bay laga atrobe
banda robes y ta duna un voorzet pa Rhaf Godoy kende no ta
basila y ta slice pa anota e di 2 gol pa Sv Britannia bay ariba
2-0. Na di 35 minuut di wega Riverplate ta haya un free kick
y aki ta unda cu Kendric Paulina ex hungado di Britannia cu ta
tuma e tiro liber na su cuenta y ta anota e gol di corta bentaha
pa Riverplate y haci e wega 2-1. Nos por menciona cu na di 22
minuut di wega e defensa central di Britannia esta Rodymar
Paesch ta lesiona na su hamstring y mester a bandona tereno.
For di e momento ey nos por a wak cu e defensa di Britannia
a perde confiansa y no tabata asina stabiel mas. Den di dos
tempo Riverplate a bin por la coma pa empata e wega y nos
por bisa cu si no tabata pa Arthur Werleman cu a trece algun
salbacion y stroba Riverplate di empata e wega. Cambionan
cu Sv Britannia Total Finance/Bright Bakery a haci ta; Alex
Moreno a drenta pa Rodymar Paesch na di 22 minuut, Luis
Murillo a drenta na luga di Glember Kock na di 46 minuut,
Leyon Croes a drenta pa Hugo Martina na di 76 minuut,
Moises Castro a drenta na luga di Alex Moreno na 76 minuut
y Wim Oosthoek a drenta na luga di Rhaf Godoy na di 87
minuut. Cu e score di 2-1 tambe referee de Leca ta caba e
wega y asina Sv Britannia Total Finance ta bay cas cu e 3
puntonan y asina e Pumanan ta acumula 7 punto den 3 wega.
