Page 24 - BNDIA ARUBA

Diamars 19 December 2017 BistA politico
A24

Prome minister a celebra Pasco cu stichting

kibrahacha

ORANJESTAD - Recientemente Stichting 60+ Kibrahacha a honra prome minis-
ter cu un invitacion pa asina e comparti cu nos dushi grandinan nan celebracion di
Pasco. Esaki ta segun e relato cu nos a ricibi.

Mirando cu di fin di aña ta acercando, diferente departamento y fundacionnan ta extende in-
vitacionnan na Prome minister Evelyn Wever-Croes pa comparti cu nan e celebracion di fin
di aña.

Na su yegada den e ballroom di Hilton Hotel e mandatario a wordo ricibi pa Bert Kaamsteeg
y tambe director di Stichting 60+ Kibrahacha Jeffrey Matos.

Prome minister ta asegura nos grandinan cu nan lo bay gosa di e frutonan di e cambio cu Go-
bierno di Aruba lo trece pa nan.

E mandatario a termina su discurso deseando nos grandinan pa nan disfruta di e temporada di
mas bunita di aña hunto cu nan sernan stima den paz, harmonia y felicidad. Y pa esunnan cu
tin famianan cu a bay laga nan atras, Prome minister a curasha nan pa nan laga e bunita recu-
erdonan yena nan curason cu alegria.

Na e ocasion aki tambe Stichting 60+ Kibrahacha a reconoce Juliana Henriquez como miem-
bro honorario di Club Kibrahacha kende tin hopi aña trahando cu e fundacion aki.
Pabien na Stichting 60+ Kibrahacha y tur su boluntarionan cu otro excelente celebracion di
Pasco pa nos dushi grandinan. Mas di e bon ambiente aki por wordo aprecia riba e fotonan
adhunto.

Prome Minister den su discurso a gradici e stichting y nos grandinan bisando cu ta danki na
nan esfuerso cu nan a crece e pais aki y a brinda nos un dushi luga pa nos por lanta nos yiunan
y nan yiunan. E sacrificio aki di nos grandinan no a pasa voorbij sin cu a tuma nota y pa cua
motibo tambe Prome minister a garantisa nan cu cuido general di nos grandinan tin un luga
hopi importante den e programa di nos partido entre otro cuido di salud di nos grandinan,
vivienda pa nos grandinan, alivio di belasting pa nos grandinan, suma di pensioen, edad di
pensioen y traha despues cu yega e edad di pensioen. Esakinan ta temanan cu tin atencion di
Gobierno di Aruba totalmente.