Page 30 - EXTRA 16JAN,2016
P. 30
30 Djasabra 16 Yanüari 2016
UN BON DIETA PA BO ANIMAL
Un dieta bon balansa pa nos animal di kas ta masha importante.
Hopi bes nos ta kere ku e animal di kas por kome di e mesun wea ku
nos, esta e mesun kuminda di kas. Esaki por ta un eror.
Na 1860 James Spratt na Cincinati Ohio a introdusí e promé kuminda di
kachó prosesá. Tabata trata di un buskuchi elaborá ku trigo, sobra di kuminda i
sanger di baka. El a opservá kachónan di kaya kome e buskuchi ku marineronan
tabata tira pa nan den hafnan. E produkto nobo a keda yama Spratt’s Patent
Meat Fibrine Dog Cakes.
E historia di kuminda komersial pa animal di kas ta masha kòrtiku kompará
ku e kantidat di tempu ku kachónan ta usa komo animalnan di kompania.
E uso di kuminda na bleki i empaka a bira mas popular na Merka despues di
e di dos guera mundial. Promé ku e alimento komersial a krese di popularidat,
kachónan tabata kome kualke kuminda disponibel den nan mundu.
E kuminda aki tabata inkluí karni kurú, lechi kurú, webu kurú i kualke otro
kuminda ku por a haña.
Kachónan di suidat ta dependé di e sobra di mesa di nan doñonan.
No ta rekomendá...
Dikon dietanan di kas no ta rekomendá? E dieta di kas no ta rekomendá
pasobra tin un posibilidat grandi di ku tur e nutrientenan nesesario no ta
disponibel òf nan no tin e proporshon adekuá. E proporshon inkorekto i e echo
di kushina por kambia sierto nutriente i resultá den un dieta defisiente. Tambe
e dietanan di kas ta usualmente mas karu.
Métodonan nobo...
Miéntras tabata kontinuá e kontroversia riba nutrishon di kachó, formanan
nobo di kuminda empaketá a kuminsá aparesé riba merkado. E depreshon
di añanan 30 na Merka, tambe a obligá e doñonan di bestianan pa buska
métodonan mas ekonómiko pa alimentá nan.
A kuminsá duna ménos karni i oumentá produktonan ku base di sereal i
grano. E produktonan di karni na bleki a keda introdusí den añanan 40 i na
1943 e kuminda pa kachó deshidrata a yega merkado ku e instrukshon di
“solo agregá awa”.
Debatenan nobo riba e alimentashon di e kachónan a kuminsá i hopi tabata
bisa ku nan kuminda ta superior ya ku nan tabata usa produktonan sobra
manera sobra di seso, desperdisio i karni usa pa hende. Otro motibu tabata ku
e karni fresku tabata hopi karu pa desperdisio alimentando un kachó.
E bon kuminda....
Ounke tabata sa ku e karni i e vegetalnan fresku tabata superior, e
bendedonan di kuminda pa kachó tabata bisa ku kachónan por kome bon ku
e desperdisio di e fabrikanan i keda saludabel na un preis abou.
Na 1950 e kompania Purina a deskubrí un konsepto inovadó pa e
kuminda di kachó. E téknika nobo yama ekstrushon ta konsistí den kushina
e ingredientenan huntu i despues mekanikamente pida pa un mashin di
ekstrushon ku ta ekspandé e pida pida di e kuminda di kachó i despues bolbe
pone esaki den fòrnu.
E kombibensia tabata e promé atraktivo komersial pa e kuminda di kachó,
tabata spar tempu, na di dos lugá tabata bendenan komo kompleto sin
nesesidat di agregá nada.
Despues a bini e strategia di usa dietanan spesial, fórmula pa enfermedatnan
spesífiko i otro desórdennan serka e animal di kas. E promé dietanan tabata
desaroyá pa enfermedatnan di kurason i nir na 1948 pa Dr. Mark Morris
fundado di Hills.
Balor nutrishonal
Na 1974 e Nacional Research Council a elaborá e protokòl pa e balornan
nutrishonal rekeri den kuminda di animalnan di kas.
Na 1985 NRC a aktualisá e rekerimentunan pa e fase di kresementu i adulto
i ta sigui vigilá e produkshon di alimento pa animalnan di kas.
