Page 31 - EXTRA 16JAN,2016
P. 31
Djasabra 16 Yanüari 2016 31
Durante di temporada di karnaval nos ta usa nos
stèm bastante dor di grita, kanta i papia duru. No lubidá
nos kantantenan ku tin di kanta kasi tur dia durante e
temporada aki. Esaki por kousa pèrdida di bos, inflamashon
i doló di garganta spesial ora di guli. Ora ku e inflamashon
afektá bo ‘voice box’, bo bos lo redusí i asta ta posibel ku
bo no por papia. Esaki ta wòrdu yama Laryngitis.
Zetanan aromátiko ku ta anti-bakterial i anti-
inflamashon por yuda aliviá laryngitis i rekuperá bo
bos.
Un ‘mouthwash’ aromátiko
Eucalyptus, Tea Tree & Lavender
Agrega 2 dròp di un di e zetanan den 1/2 kùp di
awa lou i gòrgel bo garganta.
Komprès Kayente
Tea tree, Rosamarèin, Eucalyptus & Peppermint
Den 1/2 kùp di awa lou agregá 4-5 dròp di un of
dos di e zetanan. Mua un pida paña aden i pone esaki
rònt di e garganta tapá ku un paña seku.
Stom
Tea tree, Rosamarèin, Eucalyptus, Lavender &
Peppermint
Usa un meskla of djis un zeta den awa pa stom.
Pone 5-6 dròp den awa kayente. Tapa bo kabes ku
sèrbètè over di e kòmchi ku e awa kayente i inhalá.
E ta yuda habri e garganta. Hasi esaki 2 bes pa
dia.
No lubidá e reseta bieu dor di bebe algu
kayente ku lamunchi fresku primi huntu ku
un tiki honing aden.
Valesca Ernest-Montonjo
Tel: 527-1717
Email:vmontonjo@scentedbydreams.com
Òf bishitá nos paginá wèb www.
scentedcandlesforwomen.com!
