Page 11 - Min.Jus Feb 18, 2015

AWEMainta Diaranson, 18 Februari 2015 27

Nos ruman, unda bo ta?

NOS ruman mayor, Tico (Ernest L. Petronia dia 17 di februari
(ayera) lo a cumpli 77 aña.
Tico ta nos ruman mayor, yiu stima di defuntonan Kida y Netto
Petronia.
Si un ser keri di bo fayece, rumannan, famia y su sernan keri, ta
haya tempo pa despedi di nan difunto.
Den caso di nos ruman tico su amiga C. y su rumannan no a
sa unda el a bay desde 27 di mei 2012 di su cas, bishitando su
amigonan den bar te cu su ultimo Bar “Ban Ban Café” na Santa
Helenaweg.
Su amiga, C. nos rumannan y ami no por componde te ainda
kico a pasa cu Tico? Dicon nos no por a haya sa mas di su
perdida? Un isla chiquito manera Aruba tin varios persona
perdi sin sa unda nan a bay te cu awe 2015.
Ta ora un ser keri di bo ta “perdi y bo no por haya su curpa”,
bo ta haya sa ki dolor e mayornan, rumannan y nan ser keri ta
pasa aden. Ayudo p’e famia su perdida y sosten social familiar
tampoco no tin na Aruba.
Tico tabata un persona bon educa, un bon ruman, bon amigo,
hopi orguyoso, alegre y tabatin hopi Amistad. Su fiel amigonan
semper ta sigui puntra nos pe.
Nada mas di boso ruman Tico?
Bo sa “un shon di hende”,…………
Awe Tico sigur lo ta di fiesta, cu su amigonan den “Bar den
Reino”.
Ami como ruman ta sinti su falta. Un danki na su amiga C./su
yiunan cu a dune un hogar y sa di compañ’e ultimo añanan.
Mi otro rumannan cu tambe semper a yud’e/scucha su
consehonan den añanan cu e tabata serca nos.
Ruman Tico, nos ta spera un dia cu nos por sa unda nos ruman
mayor a keda, pero nos ta sigur cu ta den Reino nos Señor a
tuma nos ruman mayor Tico como un di su apostelnan den
“Construccion di Bida Nobo”.
Ruman Tico, pabien, danki pa a yuda nos den varios decision
di bida.
Ami sigur ruman den temporada di mi studio na Hulanda,
Tilburg, Rotterdam y apoyami den mi decisionnan y trabao.
Bo ruman N.