Page 31 - KPA 10 NOV 2015

Abogado ta cuestiona falta di investigacion di Polis

Publication: Tuesday, 10 November 2015. Categoria: General

Den caso di asalto arma

ORANJESTAD (AAN): Abogado mr. Illes, kende a representa e sospechoso U.G., kende ta
worde sospecha di a haci e asalto arma hunto cu un otro riba e empleado di Crown, a cuestiona e
forma con Polis a haci investigacion. E abogado ta haya cu e investigacion ta laga di desea
siendo cu por a caba di haci cierto investigacionnan pa determina si enberdad ta su cliente ta
culpable of no.

BOSHI PRUEBA PERO NADA CONCRETO: Matutino DIARIO a cubri tratamento di e caso
di asalto arma y mester bisa cu esaki a dura oranan largo. Ta pesey DIARIO a publica e parti di
tratamento di e caso y e exigencia di Fiscal separa. Awe DIARIO ta publica e parti di defensa di
e abogado mr. Illes cu e representa un di e sospechosonan. Manera DIARIO a publica, e otro
sospechoso G.M. no a presenta den Corte como protesta pa cosnan cu e no ta di acuerdo cun’e.

Abogado mr. Illes, despues di a scucha Fiscal exigi 5 aña di prison pa e dos sospechosonan, a
bisa Hues cu aki no por presenta un cantidad di pruebanan pero nada concreto. E abogado a bisa
Hues cu ley ta exigi pa presenta pruebanan convincente.

Na opinion di e abogado, e no ta haya cu esaki ta e caso y mester declara U.G. liber. E abogado a
remarca cu tin dos persona cu a reconoce U.G. E reonocimento di e dama C. E abogado a bisa
Hues cu riba e video cu a pasa den Corte por mira bon cla cu henter e sospechoso su curpa tabata
tapa. E dama C., cu no conoce U.G. ta bisa cu a reconoce na su color di cuero. Con por bisa esaki
si e cara ta tapa!

E abogado a reclama cu e reconocimento for di buki di sospechoso, caminda a presenta e dama
solamente e potret di U.G., esaki ta contra ley. Segun ley, mester a presenta diferente potretnan
na e dama y di e eynan e dama mester mustra kende ta e sospechoso. No por bay presenta un
buki cu tur informacion di e sospechoso aden pa e dama.

Pa loke ta e otro persona, e testigo A., cu ta bisa cu ta U.G., e abogado a mustra cu U.G. tin un
problema na su lomba y lo mester por a constata esaki facilmente riba e video. Por a laga analisa
e forma di core di U.G. y compara cu esun riba e camera di seguridad y a mira claramente cu no
ta e.

Tambe e testigo A. a bay bisa cu U.G. lo tin un arma color di brons siendo cu A. mes a haci un
atraco cu un arma cu el a worde haya cun’e cu ta un Caliber 22 y color brons. Ningun caminda a
haya U.G. cu un arma manera A. ta pretende.

INVESTIGACION LAGA DI DESEA: E abogado a sigui bisa cu riba e video por mira
claramente cu no tin un bulto riba lomba, manera e sospechoso U.G. tin. Na opinion di abogado,
si Polis a haci su investigacionnan manera mester ta, a constata cu tin un otro sospechoso cu ta