Page 11 - MIN ON

AWEMainta Dialuna, 10 Juli 2017 21

Den Parke Arikok

Prome Minister y señora Doina

a celebra hunto cu invitadonan

Dia di Independencia Mericano

MANERA custumber Dia di Independencia
Mericano ta wordo celebra na varios lugar na Aruba.
Manera custumber tambe den Parke Arikok unda
Prome Minister di Aruba Mike Eman y señora Doina
a tene un recepcion informal cu un BBQ pa invita-
donan di descendencia Mericano, invitadonan local,
p’esnan cu ta traha den FOL, den Departamento di
Inmigracion y Aduana Mericano aki na Aruba con-
memorando cu dia 4 di juli 1776 a firma e Declaration
of Independence.
Un celebracion bunita, ameno den un ambiente relah-
ante cu dushi musica cu cancionnan local y Mericano.
A canta himno Mericano y himno di Aruba. Musica
tabata na encargo di e banda di Ruben Croes kende
manera semper a deleita e publico presente.
Prome Minister Eman a duna un discurso cortico
pa conmemora e dia special aki. Den su discurso el
a conta cu hustamente riba e Dia di Independencia
Mericano Gabinete Mike Eman y AIB a firma un
acuerdo di restauracion y ampliacion di compleho
J.F. Kennedy.
Prome Minister Eman: “Awe riba 4 di juli, Dia di
Independencia di Merca, nos ta rescata un edificio
cu ta hiba nomber di un di e Presidentnan Mericano
mas conoci pa su idealnan y pa a sirbi henter mundo
sin distincion di rasa of religion.”
JF Kennedy School ta un edificio historico cu no mag
bay perdi, tambe pasobra e ta e recuerdo di un gran
persona cu un nificacion grandi pa Aruba.